НИШАСТИ МАТБУОТӢ. Имсол талаботи сокинони Тоҷикистон ба гӯшт ва маҳсулоти гӯштӣ бештар гардид

ДУШАНБЕ, 07.08.2024 /АМИТ «Ховар»/. Дар шашмоҳаи аввали соли 2024 дар ҷумҳурӣ ҳаҷми умумии фурӯши молҳои озуқаворӣ бо таносуби бештар аз рӯи арзиш ба гӯшт ва маҳсулоти гӯштӣ 15,5 фоиз, нон ва маҳсулоти нонӣ 17,5 фоиз, қанду шакар ва маҳсулоти қаннодӣ 4,9 фоиз, сабзавот ва картошка 5,3 фоиз ва равғани растанӣ 4,4 фоиз афзалият дорад.  Дар ин хусус имрӯз зимни нишасти матбуотӣ Директори Агентии омори назди Президенти Ҷумҳурии Тоҷикистон Ҷамшед Нурмаҳмадзода иттилоъ дод.

Ҳамчунин иброз гардид, ки аз аввали соли 2024 нархи маҳсулоти гӯштӣ 6,2 фоиз, аз ҷумла гӯшти гов  9,7 фоиз ва гӯшти гӯсфанд 7,4 фоиз баланд  шудааст.

Дар ҷараёни нишаст иттилоъ дода шуд, ки аз молҳои ғайриозуқаворӣ таносуби бештар ба маводи бинокорӣ- 29,1 фоиз, автомобилҳо ва қисмҳои эҳтиётии онҳо- 11,4 фоиз, газворҳо- 8,8 фоиз, асбоби барқӣ- 4,6 фоиз рост меояд.

 АКС: АМИТ «Ховар»