Теъдоди бар асари заминларза зарардидагон дар Ҷопон ба 12 нафар расид

Август 9, 2024 11:52

ДУШАНБЕ, 09.09.2024 /АМИТ «Ховар»/. Теъдоди зарардидагони заминларзаи шадид дар ҷанубу ғарби Ҷопон аз 5 ба 12 нафар расид. Дар ин хусус агентии Kyodo иттилоъ додааст, хабар медиҳад АМИТ «Ховар» бо истинод ба ТАСС.

Хавфи сунами (мавҷи азими фалокатовари уқёнус) барои тамоми минтақаҳо бартараф карда шуд. Баландии мавҷҳои то ин муддат сабтшуда аз 20 то 80 см буд.

Маркази заминларза дар наздикии префектураи Миядзаки дар ҷазираи Кюсю воқеъ буда, манбаъ дар умқи 30 километр дар зери қаъри уқёнус ҷойгир шудааст. Шиддати зилзила дар неругоҳҳои атомии «Иката» и «Сендай» ягон ҳолати фавқулода ба вуҷуд наовард.

Ҳамзамон бо ин мақомоти Ҷопон ҳушдор додаанд, ки эҳтимоли заминларзаи шадид дар тарқиши Нанкай дар Ҷопон ба таври муваққатӣ афзоиш ёфтааст. Чунин огоҳинома бори аввал нашр мешавад.
Давоми солҳои охир зилзилашиносони Ҷопон аз эҳтимоли рух додани заминларзаи ногузир дар тарқиши Нанкай, ки дар ҷануби шарқии соҳили марказии ҷазираи асосии Хонсюи Ҷопон воқеъ аст, хеле ба ташвиш омадаанд.

Дар ин ҷо дар ҳар 100-200 сол як маротиба зилзилаҳои пуриқтидори қувваашон тақрибан 8-балла рух медиҳанд. Тибқи пешгӯии олимон, эҳтимоли ба амал омадани заминларзаи 8 ё 9-дараҷагӣ давоми 30 соли оянда ба 70-80% баробар аст. Дар ин ҳолат қисмати калони давлат зарар дида, дар соҳили уқёнуси Ором сунами бо баландии беш аз 30 метр метавонад ба амал ояд.

АКС аз манбаъҳои боз

Август 9, 2024 11:52

Хабарҳои дигари ин бахш

РӮЗИ ҶАҲОНИИ ОМОР. Тавассути омори расмӣ равандҳои муҳими иҷтимоӣ таҳлилу баррасӣ карда мешаванд
Нависандаи халқии Тоҷикистон Кароматуллоҳи Мирзо дар 83- солагӣ аз дунё даргузашт
Имрӯз дар водиҳои Тоҷикистон ҳаво то 30 дараҷа гарм мешавад
Дмитрий Семёнов: «Синамоҷашнвораи байналмилалии «Тоҷи Сомон» фазои ҳамкории байналмилалӣ фароҳам овард»
Имрӯз дар шаҳри Душанбе ҳаво то 26 дараҷа гарм мешавад
Дар Донишгоҳи техникии Тоҷикистон бахшида ба Иди Меҳргон ҳамоиш баргузор карда шуд
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Имконияти рушди хизматрасонии почта дар Тоҷикистон бо истифодаи нақлиёти барқӣ баррасӣ гардид
ZET-MOBILE рушди 5G-ро идома медиҳад: истгоҳҳои нави базавӣ ба истифода дода шуданд
Ҳайати Тоҷикистон дар Форуми сулҳи Фарғона дар Узбекистон иштирок намуд
Имрӯз дар водиҳои Тоҷикистон ҳаво то 29 дараҷа гарм мешавад
Меҳргон иди ҷамъбасти тобистону тирамоҳ ва оғози фасли зимистон аст