Дар Вазорати мудофиаи Тоҷикистон ҷаласаи комиссияи даъвати ҷумҳуриявӣ баргузор гардид
ДУШАНБЕ, 20.09.2024. /АМИТ «Ховар»/. Бо мақсади иҷрои талаботи Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1997–2006-и Ҷумҳурии Тоҷикистон ба хизмати ҳарбӣ» дар Вазорати мудофиаи мамлакат бо иштироки муовини Сарвазири Ҷумҳурии Тоҷикистон-раиси Комиссияи даъвати ҷумҳуриявӣ Дилрабо Мансурӣ, ҳайати роҳбариву фармондеҳии Вазорати мудофиа, намояндаи Дастгоҳи иҷроияи Президенти Ҷумҳурии Тоҷикистон, Сарпрокурори ҳарбӣ ва дигар мақомоти давлатии вобастаи даъват ҷаласаи комиссияи даъвати ҷумҳуриявӣ баргузор гардид.
Тавре ба АМИТ «Ховар» дар Вазорати мудофиаи ҷумҳурӣ хабар доданд, роҳбарияти Вазорати мудофиаи Тоҷикистон, пеш аз ҳама, натиҷаи даъватҳои пешин ва сатҳу сифати хизмат дар ҳайати захираҳои даъвати сафарбариро мавриди таҳлилу баррасӣ қарор дода, дар ин самтҳо шахсони масъулро бо супоришҳои мушаххас вазифадор намуданд.
Аз ҷумла, барои иҷрои дастуру супоришҳои роҳбарияти олии мамлакат, талаботи санадҳои меъёрӣ-ҳуқуқии амалкунанда дар соҳаи даъват ва вобаста ба теъдоди умумии захираҳои даъватӣ дар мамлакат таъкид шуд, ки дар мавсими навбатии даъват ва муҳлати пешбинигардида мақомоти ба он вобастаро зарур аст, ки бо масъулияти баланд ва дарки муҳимияти ин чорабинии муҳими давлатӣ амал намоянд. Ҳамзамон дар заминаи корҳои анҷомдодаи тодаъватӣ ва омӯзиши пешакии даъватшавандагон ҷавонони руҳану ҷисман солим ва аз ҳама лиҳоз обутобёфтаро ба сафи Қувваҳои Мусаллаҳ барои хизмат ба халқу Ватан равона намоянд.
Ҳамзамон масъалаҳои омӯзиши ҳаматарафаи захираҳои даъватӣ, шахсияти даъватшавандагон, мутобиқ ба талаботи қонунгузории низомӣ ба роҳ мондани тайёрии тодаъватии ҷавонон барои адои хизмати ҳарбӣ, омода намудани мутахассисон аз ҳисоби ҷавонони синни даъватӣ, ҳамоҳангии фаъолияти мақомоти вобастаи давлатии даъват ва тавсеаи корҳои мақсаднок дар ҷараёни даъват аз масъалаҳои дигари баррасигардида буданд.
Ин масъалаҳо аз ҷониби иштирокчиён мавриди таҳлилу омӯзиши ҳамаҷониба қарор гирифтанд.
АКС: Вазорати мудофиаи Ҷумҳурии Тоҷикистон
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон баргузор гардид
Вобаста ба лоиҳаи Қонуни Ҷумҳурии Тоҷикистон «Дар бораи политсия» ҷаласа баргузор шуд
Вобаста ба вазъияти фавқулода, низоъҳо ва ҳамоҳангии иҷтимоӣ конференсияи илмӣ-амалӣ баргузор шуд
Гурӯҳи кории Вазорати корҳои дохилии Тоҷикистон бо фаъолияти Департаменти адлияи Ирландия шинос шуд
