Ҳайати Тоҷикистон дар Конференсияи вазирони маорифи давлатҳои аъзои Созмони ҷаҳонии исломӣ иштирок намуд
ДУШАНБЕ, 03.10.2024. /АМИТ «Ховар»/. Ҳайати Тоҷикистон бо роҳбарии Вазири маориф ва илми Ҷумҳурии Тоҷикистон Раҳим Саидзода дар ифтитоҳи Конференсияи вазирони маорифи давлатҳои аъзои Созмони ҷаҳонии исломӣ оид ба масъалаҳои маориф, илм ва фарҳанг (ICESCO) дар шаҳри Масқати Салтанати Уммон иштирок намуд. Дар ин хусус ба АМИТ «Ховар» дар маркази матбуоти Вазорати маориф ва илм хабар доданд.
Конференсия то 4 октябр идома ёфта, дар он вазирони маорифи беш аз 35 давлат, ҳайати беш аз 50 кишвар ва созмонҳои байналмилалӣ иштирок доранд.
Вазири маориф ва илм дар ҳошияи конференсия бо вазири маорифи Ҷумҳурии Исломии Эрон Алӣ Ризо Козимӣ вохӯрӣ намуд.
Зимни вохӯрӣ Вазири маориф ва илми Тоҷикистон изҳор дошт, ки давлатҳои мо дар асоси усулҳои ҳусни тафоҳум ва эҳтирому эътимоди ҳамдигар ҳамкории барои ҷонибҳо судмандро пеш гирифтаанд. Вазъи кунунии ҳамкории дуҷониба дар соҳаҳои илму маориф дар сатҳи зарурӣ ба роҳ монда шуда, ин раванди судбахш дар оянда низ идома меёбад.
Алӣ Ризо Козимӣ барои дар сатҳи хуб ба роҳ мондани ҳамкорӣ ибрози андеша намуда, ба ҳамкории тарафҳо дар самти таҳсили олии касбӣ ва табодули таҷрибаву дониши донишҷӯёну устодон ишора намуд.
Дар идомаи вохӯрӣ ҷонибҳо масъалаҳои таҳсили шаҳрвандони Ҷумҳурии Исломии Эрон дар Тоҷикистон, ҳимояи корҳои номзадӣ, табодули таҷрибаҳои донишҷӯёну устодон ва равобити байни муассисаҳои таълимии ду давлатро баррасӣ карданд.
Дар назар аст, ки дар доираи Конфронси вазирони маорифи давлатҳои аъзои Созмони ҷаҳонии исломӣ оид ба масъалаҳои маориф, илм ва фарҳанг (ICESCO) дар шаҳри Масқати Салтанати Уммон вохӯрии Вазири маориф ва илми Ҷумҳурии Тоҷикистон бо вазирони маорифи дигар давлатҳо ва намояндагони ташкилоту созмонҳои байналмилалӣ баргузор гардад.
АКС: Маркази матбуоти Вазорати маориф ва илми Ҷумҳурии Тоҷикистон
Дар Душанбе бо иштироки 1048 хонанда даври шаҳрии олимпиадаи фаннӣ оғоз гардид
РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
Дар панҷ соли оянда дар ҳар маҳалли аҳолинишин, ки 100 оила зиндагӣ мекунад, бояд як муассисаи томактабӣ бунёд карда шавад
ПАЁМ-РОҲНАМОИ ИМРӮЗУ ФАРДОИ ДУРАХШОН. Дар Донишгоҳи миллии Тоҷикистон ҳамоиши илмӣ-назариявӣ баргузор гардид
ПАЁМИ ПРЕЗИДЕНТ-РОҲНАМОИ ИМРӮЗУ ФАРДО. Оид ба он дар Донишгоҳи давлатии Кӯлоб ҳамоиш доир гардид
Президенти Тоҷикистон: «Омӯзиши забонҳои хориҷӣ аз зинаи таҳсилоти томактабӣ ба роҳ монда шавад»
Дар 5 соли оянда барои фарогирии 50 фоизи кӯдакони синни томактабӣ бунёди 800 муассисаи таҳсилоти томактабӣ зарур аст
Дар заминаи Донишкадаи технология ва менеҷменти инноватсионии шаҳри Кӯлоб Донишгоҳи инноватсия ва технологияҳои рақамӣ таъсис меёбад
Эмомалӣ Раҳмон: «Дар замони соҳибистиқлолӣ беш аз 117 ҳазор ҷавонон барои таҳсил ба донишгоҳҳои бонуфузи пешрафтаи ҷаҳон фиристода шуданд»
Донишҷӯёни тоҷик дар Русия дар ҷаласаи шурои маҳфили «Ҷавононе, ки дар хориҷи мамлакат таҳсил доранд» иштирок намуданд
Хонандагони муассисаҳои таълимии Хатлон дар олимпиадаҳои фаннӣ ва байналмилалӣ 987 медал ба даст оварданд
Байни институтҳои илмӣ-таҳқиқотии Тоҷикистон ва Чин шартномаи ҳамкорӣ ба имзо расид
