Дар Донишгоҳи давлатии ҳуқуқ, бизнес ва сиёсати Тоҷикистон оид ба Конститутсияи Тоҷикистон конференсияи ҷумҳуриявӣ доир шуд
ДУШАНБЕ, 25.10.2024 /АМИТ «Ховар»/. 23 октябр дар Донишгоҳи давлатии ҳуқуқ, бизнес ва сиёсати Тоҷикистон ба муносибати 30-солагии Конститутсияи Ҷумҳурии Тоҷикистон ва Соли маърифати ҳуқуқӣ эълон гардидани соли 2024 таҳти унвони «Конститутсияи Ҷумҳурии Тоҷикистон-заминаи устувори ташаккули маърифати ҳуқуқӣ ва эъмори давлати ҳуқуқбунёд» конференсияи ҷумҳуриявии илмӣ-амалӣ баргузор гардид. Дар ин хусус ба АМИТ «Ховар» дар шуъбаи таҳлил ва робита бо ҷомеаи ин донишгоҳ иттилоъ доданд.
Дар конференсия намояндагони мақомоти ҳифзи ҳуқуқ ва олимону коршиносон иброз доштанд, ки Конститутсия ҳамчун ҳуҷҷати сарнавиштсоз дар инкишофи давлатдории навини Тоҷикистон марҳилаи нави таърихиро оғоз бахшид.
Ректори донишгоҳ Ҳомид Ҳошимзода изҳор намуд, ки Пешвои миллат муҳтарам Эмомалӣ Раҳмон таъкид намудаанд, ки «Конститутсия барои аз байн бурдани хатаре, ки ба Истиқлоли давлатӣ таҳдид менамуд, шароити зарурии ҳуқуқӣ муҳайё намуда, барои аз нобудӣ наҷот додани давлати тозаистиқлоли тоҷикон ва аз парокандагӣ раҳоӣ бахшидани миллати тоҷик асос гузошт».
Дар конференсия вобаста ба Соли маърифати ҳуқуқӣ ва нақши Конститутсия дар қабули санадҳои меъёриву ҳуқуқӣ, ба танзим даромадани вазъи ҳуқуқӣ дар мамлакат, омилҳои асосии инкишофи ҷомеаи шаҳрвандӣ ва тадбири муҳиму саривақтӣ будани он барои бунёди ҷомеаи мутамаддин ва давлатдории ҳуқуқбунёди миллӣ ибрози ақида карда шуд.
Маҳз ба шарофати Конститутсия рукнҳои давлатдорӣ, низоми ҳуқуқии мамлакат, волоияти қонуну тартиботи ҳуқуқӣ пойдор гардида, давлати мо ба роҳи рушди устувор қадамҳои боэътимод гузошт
Дар анҷоми ҳамоиш ғолибони озмуни вилоятии «Беҳтарин донандаи Конститутсия» ва дар номинатсияи «Беҳтарин мақола дар бораи Конститутсия», ки бо мақсади тарғиби арзишҳои ҳуқуқӣ ва демократӣ, эҳтиром ва риояи Конститутсияи Ҷумҳурии Тоҷикистон, баланд бардоштани маърифати ҳуқуқӣ ва пайравӣ ба сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон дар ин боргоҳи маърифат доир гардид, бо Ифтихорнома, Диплом ва маблағҳои пулӣ қадршиносӣ гардиданд.
АКС: Донишгоҳи давлатии ҳуқуқ, бизнес ва сиёсати Тоҷикистон
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
Байни Маркази барномаҳои байналмилалӣ ва King’s College London Ёддошти тафоҳум ба имзо расид
Дар Филиали Донишкадаи рушди менеҷменти Сингапур дар шаҳри Душанбе шумораи донишҷӯён меафзояд
НИШАСТИ МАТБУОТӢ. Дар назди филиали Донишгоҳи давлатии Москва дар шаҳри Душанбе Шурои диссертатсионии байнидавлатӣ таъсис дода шуд
НИШАСТИ МАТБУОТӢ. Соли 2025 Донишгоҳи миллии Тоҷикистон барои фаъолсозии 12 ихтисоси нав иҷозатнома гирифт
Дар Донишгоҳи давлатии Кӯлоб синфхонаҳои таълимӣ ва озмоишгоҳ ба номи омузгорону донишмандони варзида гузошта шуданд
