Корхонаҳои коркарди хушкмеваи Тоҷикистон дар Намоишгоҳи байналмилалии «SIAL» иштирок мекунанд
ДУШАНБЕ, 19.10.2024. /АМИТ «Ховар»/. Аз 19 то 23 октябри соли равон дар шаҳри Парижи Фаронса Намоишгоҳи бузурги байналмилалии «SIAL» баргузор мегардад, ки дар он 6 корхонаи коркарди хушкмеваи шаҳри Исфара иштирок ва маҳсулоти ватаниро муаррифӣ менамоянд. Дар ин хусус ба АМИТ «Ховар» дар Маркази тиҷорати байналмилалӣ хабар доданд.
Ин корхонаҳо «Баракат Исфара», «Оро Исфара», «Исфара Фуд», «Водии меваҳо», «Висол», ҳамчунин «Меваи заррин» мебошанд. Онҳо дар намоишгоҳи бузурги ғизо ва нӯшокӣ дар байни 7500 иштироккунандаи дигар маҳсулоти тозатаринро ба ҳазорон тамошобинон аз саросари дунё намоиш медиҳанд.
Ба ҳайати Тоҷикистон ҳамчунин намояндагони боз ҳафт корхонаи дигар, Ассотсиатсияи байналмилалии истеҳсолкунандагон ва содироткунандагони маҳсулоти кишоварзии Тоҷикистон (МАПЭСТ) ва Ассосиатсияи соҳибкорони Хатлон ҳамчун тамошобин ҳамроҳ шудаанд.
Корхонаҳои Тоҷикистон дар ин намоишгоҳ дар доираи лоиҳаи Маркази тиҷорати байналмилалӣ (МТБ) дар ҳамкорӣ бо Палатаи савдо ва саноати Ҷумҳурии Тоҷикистон иштирок мекунанд.
Намоишгоҳ ба корхонаҳои коркарди хушкмеваи тоҷик имкони хуб фароҳам меорад, то маҳсулот ва имконияти худро муаррифӣ ва тарғиб намоянд, ҳамкории эҳтимолии тиҷоратиро баррасӣ карда, бо раванд ва тамоюли нави бозор дар сатҳи ҷаҳонӣ шинос шаванд.
АКС аз манбаъҳои боз
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
