МАҚОМИ МУАЛЛИМ. Дар Ҳисор Рӯзи омӯзгорон таҷлил гардид
ДУШАНБЕ, 03.10.2024 /АМИТ «Ховар»/. «Президенти Ҷумҳурии Тоҷикистон муҳтарам Эмомалӣ Раҳмон мақому нақши омӯзгорро дар ҷомеа баланд арзёбӣ намуда, пайваста таъкид менамоянд, ки «омӯзгорӣ муқаддастарин пешаи рӯйи олам аст». Ин нукта дар ҷамъомади тантанавие, ки дар шаҳри Ҳисор бахшида ба Рӯзи омӯзгорон доир гардид, таъкид шуд.Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Иброз шуд, ки миллате, ки ба илму дониш ва фарҳангу маънавиёт арҷ мегузорад, миллати ояндадор ва тавонову соҳибтамаддун аст.Ниёгони бузурги миллати тоҷик дар масири таърихи бостонии халқамон ба омӯхтани илму маърифат ва касбу ҳунар таваҷҷуҳи хосса зоҳир намуда, тавассути осори ҷовидона инсониятро ба роҳи фаро гирифтани илму дониш ҳамчун омили раҳоӣ аз нодониву ҷаҳолат ва расидан ба рушду тараққиёт ҳидоят намудаанд.
Дар шаҳри Ҳисор бахшида ба 35-солагии Истиқлоли давлатии Тоҷикистон бо мусоидати Мақомоти иҷроияи ҳокимияти давлатии шаҳри Ҳисор, ташаббуси омӯзгорон, аҳолӣ ва дастгирии соҳибкорон сохта, ба истифода додани 139 синфхонаи иловагӣ ба нақша гирифта шудааст. 60 адади он дар арафаи соли нави таҳсили 2024-2025 мавриди истифода қарор гирифт.
Дар ҳамоиши тантанавӣ ба як зумра устодон ва фаъолони соҳа барои рушди соҳаи маориф, тарбияи насли наврас ва мусоидат намудан ба иштироки шогирдон дар олимпиадаву озмунҳои ҷумҳуриявӣ нишони фахрии «Аълочии маориф ва илми Ҷумҳурии Тоҷикистон», «Сипоснома»-и Мақомоти иҷроияи ҳокимияти давлатии шаҳри Ҳисор ва шуъбаи маориф, иттифоқҳои касабаи соҳаи маориф, инчунин туҳфаҳои молию пулӣ тақдим гардид.
Ҳамзамон дар Боғи фарҳангӣ-фароғатии шаҳр дастовардҳои аҳли маорифи шаҳр ба намоиш гузошта шуданд.
АКС: Мақомоти иҷроияи ҳокимияти давлатии шаҳрри Ҳисор
Дар солҳои соҳибистиқлолӣ дар Тоҷикистон 22 маротиба музди меҳнати кормандони соҳаи маориф зиёд карда шуд
Дар ноҳияи Фирдавсии шаҳри Душанбе Муассисаи таҳсилоти томактабии хусусии «Боғи Мурод» ифтитоҳ ёфт
Барои таҳқиқоти илмӣ то 35 ҳазор сомонӣ мукофотпулӣ муайян гардид
РУШДИ ТАҲСИЛОТИ ТОМАКТАБӢ. Давоми 7 соли охир дар Душанбе 22 кӯдакистон ба истифода дода шуд
Китобҳои дарсии синфҳои 8 ва 9 «Асосҳои давлат ва ҳуқуқи Ҷумҳурии Тоҷикистон» ба забони туркманӣ нашр шуданд
Дар ноҳияи Рашт оид ба иҷрои дастуру супоришҳои Сарвари давлат вобаста ба рушди соҳаи маориф вохӯрӣ доир шуд
35-СОЛАГИИ ИСТИҚЛОЛИ ДАВЛАТӢ. Дар Хуҷанд бинои иловагии муассисаи таълимӣ барои 1280 хонанда сохта мешавад
ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон
Президенти Тоҷикистон дастур доданд, ки ба омӯзиши забонҳои хориҷӣ диққати махсус дода шавад
Дар Душанбе бо иштироки 1048 хонанда даври шаҳрии олимпиадаи фаннӣ оғоз гардид
РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
Дар панҷ соли оянда дар ҳар маҳалли аҳолинишин, ки 100 оила зиндагӣ мекунад, бояд як муассисаи томактабӣ бунёд карда шавад
