Дар Тоҷикистон бо дастгири Фонди Саудии Рушд 3 лоиҳа амалӣ мегардад
ДУШАНБЕ, 25.11.2024. /АМИТ «Ховар»/. Ҳоло бо дастгирии Фонди Саудии Рушд 3 лоиҳа ба маблағи умумии 145,0 миллион доллари Иёлоти Муттаҳидаи Амрико дар соҳаҳои маориф, ирригатсия ва энергетика мавриди татбиқ қарор доранд. Дар ин хусус 24 ноябр дар шаҳри Риёз зимни вохӯрии муовини якуми Сарвазири Ҷумҳурии Тоҷикистон Ҳоким Холиқзода бо директори Фонди Саудии Рушд Султон Ал – Маршад иттилоъ дода шуд.
Тавре дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон ба АМИТ «Ховар» иттилоъ доданд, вохӯрӣ дар доираи Конфронси 28-уми байналмилалии сармоягузорӣ дар шаҳри Риёзи Арабистони Саудӣ баргузор гардид.
Хамчунин дар вохӯрӣ ҷонибҳо доир ба ҳолати кунунӣ ва дурнамои равобити Тоҷикистон бо Фонди Саудии Рушд, ҳамкории созандаи дуҷониба дар татбиқи якчанд лоиҳаҳои афзалиятноки соҳаҳои маориф, тандурустӣ, энергетика, нақлиёт ва обёрӣ мубодилаи афкор намуданд.
Дар солҳои ҳамкорӣ бо Ҷумҳурии Тоҷикистон Фонди Саудии Рушд барои татбиқи лоиҳаҳои мухталифи сармоягузорӣ 296,7 миллион доллари Иёлоти Муттаҳидаи Америко ҷудо намудааст.
Дар ҷараёни вохӯрӣ ҷонибҳо ҳавасмандии худро барои тақвияти ҳамкорӣ дар самтҳои муҳими таъмини рушди мамлакат, аз қабили саноату кишоварзӣ, энергетика, рақамикунонӣ, рушди инфрасохтори шаҳрӣ, алалхусус низоми таъминоти оби нӯшиданӣ, хоҷагии манзилию коммуналӣ, таҷдиди роҳҳои мошингард ва табдил додани онҳо ба роҳҳои муосири байналмилалӣ баён намуданд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Дар Тоҷикистон беш аз 225 ҳазор тонна хӯроки чорво захира шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
