Дар Вазорати энергетика ва захираҳои об 30-солагии Конститутсияи Тоҷикистонро таҷлил намуданд
ДУШАНБЕ, 05.11.2024 /АМИТ «Ховар»/. Дар фазои соҳибистиқлолӣ 6 ноябри соли 1994 тариқи раъйпурсии умумихалқӣ қабул гардидани Конститутсия аз муҳимтарин рӯйдодҳои таърихии давлатдории навинамон мебошад. Чунин иброз дошт Вазири энергетика ва захираҳои оби ҷумҳурӣ Далер Ҷумъа дар ҷамъомади тантанавие, ки ба муносибати 30-солагии қабули Конститутсия дар Вазорати энергетика ва захираҳои оби ҷумҳурӣ баргузор гардид. Дар ин хусус АМИТ «Ховар» бо истинод ба ин вазорат иттилоъ медиҳад.
Конститутсия ҳамчун санади олии сиёсӣ ба таҳкими пояҳои давлатдории муосири мамлакат замина гузошта, баробарии шаҳрвандонро дар назди қонун таъмин намуд. Ин аст, ки Конститутсия таҷзияи ҳокимият, гуногунандешии сиёсиву мафкуравӣ, бисёрҳизбӣ ва фаъолияти озоди соҳибкориро кафолат медиҳад.
Дар ҷамъомади идона гуфта шуд, ки бо қабули Конститутсия муносибатҳои ҷамъиятӣ танзими ҳуқуқии худро ёфта, барои таҳия ва қабули санадҳои меъёрии ҳуқуқии давлати соҳибихтиёр заминаи воқеӣ гузошта шуд. Ҳоло дар фазои ҳуқуқии мамлакат 427 санади меъёрии ҳуқуқӣ, аз ҷумла 17 қонуни конститутсионӣ, 23 кодекс ва беш аз 380 қонун амал мекунанд. Ҳамзамон зиёда аз 700 санади ҳуқуқии байналмилалӣ ба тасвиб расонида шудаанд.
Инчунин дар ин давра ғояи таҳия ва қабули қонунҳои миллӣ ба миён омада, бо ташаббуси Президенти мамлакат муҳтарам Эмомалӣ Раҳмон қонунҳои Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон», «Дар бораи масъулият барои таълиму тарбияи кӯдак», ки пурра хусусияти миллӣ доранд, қабул гардиданд. Дар ҳамин замина Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» қабул шуд.
Дар анҷоми ҳамоиш даъват шуд, ки дар атрофи арзишҳои меҳварии Конститутсия ва дигар дастовардҳои даврони соҳибистиқлолӣ, ки бо талошҳои Пешвои миллат ба даст омадаанд, муттаҳид гардида, дар раванди рушди миллӣ, саодати мардум, расидан ба ояндаи дурахшон ва татбиқи ҳадафҳои стратегии мамлакат саҳм гузорем.
АКС: Вазорати энергетика ва захираҳои оби Ҷумҳурии Тоҷикистон
Обуҳавошиносон дар Шанхай шуруъ аз соли 1945 бори нахуст дар моҳи март гармии 30 дараҷаро сабт намуданд
Имрӯз дар Тоҷикистон ҳавои тағйирёбанда пешгӯӣ мешавад
Коршиносони СҲШ оид ба тағйирот дар қонунгузории миллӣ дар соҳаи мубориза бо маводи мухаддир табодули иттилоъ намуданд
«E-license». Иқдоми нав ба сӯи рақамикунонӣ дар Агентии амнияти химиявӣ, биологӣ, радиатсионӣ ва ядроии Тоҷикистон
Толорҳои алоқа – барои ҳама!
Вазири таҳсилоти олӣ, илм ва инноватсияҳои Узбекистон бо донишҷӯёни тоҷик мулоқот намуд
Имсол кишоварзони вилояти Хатлон дар 41 ҳазор гектар кишти пунбадонаи зери плёнка мегузаронанд
Ба Хоҷагии манзилию коммуналии шаҳри Гулистон техникаҳои нав супорида шуд
Муқаддас Султонова: «Дар нақши чаканамон табиати зебои Тоҷикистонро тасвир менамоем»
Имсол дар Тоҷикистон дар чанд гектар кишти пунбадона гузаронида мешавад?
Ҷаласаи 82-юми Шурои маъмурияти роҳҳои оҳани ИДМ дар Душанбе доир мегардад
Дар шаҳри Хоруғ байни наврасон мусобиқаҳои варзишӣ доир гардиданд
