Масъалаҳои фаъолияти дидбонгоҳҳои гумрукии наздисарҳадӣ баррасӣ шуданд
ДУШАНБЕ, 22.11.2024 /АМИТ «Ховар»/. 19 ноябр Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода бо ҳайати намояндагони минтақавии Раёсати Созмони Милали Муттаҳид оид ба маводи мухаддир ва ҷинояткорӣ дар Афғонистон, Осиёи Марказӣ, Эрон ва Покистон таҳти роҳбарии Оливер Штолпе мулоқот намуд. Дар ин хусус ба АМИТ «Ховар» дар Хадамоти гумрук хабар доданд.
Дар вохӯрӣ ҷонибҳо аз ҳамкории судманд изҳори қаноатмандӣ намуда, масъалаи фаъолияти дидбонгоҳҳои гумрукии наздисарҳадиро баррасӣ карданд. Таъкид шуд, ки дар доираи лоиҳаи амалкунанда дар Тоҷикистон 8 дафтари ҳамкории сарҳадӣ ва 4 Гурӯҳи назорати бандарӣ фаъолият дошта, ба таҳкими ҳамкории дуҷониба мусоидат менамоянд.
Ҳамчунин масъалаи вазъияти сарҳади Ҷумҳурии Тоҷикистон бо Ҷумҳурии Исломии Афғонистон, инчунин таҳлили хавфҳои қочоқи маводи мухаддир ва доруворӣ таъкид гардид.
Хуршед Каримзода иброз намуд, ки мақомоти гумрук ҳамеша омода аст бо Намояндагии доимии Созмони Милали Муттаҳид дар Тоҷикистон оид ба ҳама масъалаҳои стратегии барномаҳое, ки аз ҷониби ин Созмон амалӣ мегарданд, ҳамкории зич намояд.
Дар фарҷоми мулоқот ҷонибҳо самтҳои афзалиятноки ҳамкории мутақобили судмандро вобаста ба самти фаъолияти гумрукӣ дар Тоҷикистон муҳим шуморида, барои тақвияти ҳамкории баъдӣ ибрози омодагӣ намуданд.
АКС: Хадамоти гумруки назди Ҳукумати Ҷумҳурии Тоҷикистон
«Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2026-2030» амалӣ мешавад
Моҳи май дар шаҳри Бохтар Форуми сайёҳии «Хатлон – 2026» баргузор мешавад
Ҷаласаи гурӯҳи кории Шурои роҳбарони Палатаи савдо ва саноати Иттиҳоди Давлатҳои Мустақил доир гардид
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
Тавсеаи ҳамкории дуҷонибаи сармоягузорӣ ва тиҷоратӣ байни Тоҷикистон ва Миср баррасӣ гардид
Ҳайати Тоҷикистон дар Лондон бо намояндагони ниҳодҳои бонуфузи байналмилалии молиявӣ вохӯрӣ намуд
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
