МАСЛИҲАТИ МУТАХАССИС. Равғани чормағз барои табобати бемориҳои гепатит, астма ва сил тавсия дода мешавад
ДУШАНБЕ, 04.11.2024 /АМИТ «Ховар»/. Истеъмоли чормағз хотираро мустаҳкам ва миқдори холестеринро дар хун кам менамояд. Он аз микроэлементҳо бой буда, барои диабети қанд даво мебошад. Равғани чормағз балғамро ҷудо намуда, барои табобати бемориҳои гепатит, астма ва сил тавсия дода мешавад. Одамоне, ки саршавии бемории саратон доранд, бояд равғани онро истеъмол кунанд. Зеро он пайдоиши ҳуҷайраҳои бадсифатро пешгирӣ мекунад. Истеъмоли он дар мавсими сардӣ гурдаҳоро гарм нигоҳ медорад. Чунин тавсия медиҳанд мутахасисони соҳаи тиб.
Пас аз истеъмоли чормағз инсон муддати дароз эҳсоси серӣ мекунад. Триптофан яке аз таркиботи чормағз аст, ки барои хоби ором кумак мекунад. Мутахассисон маслиҳат медиҳанд, ки дар таркиби он витамини В7 мавҷуд аст, ки барои рушди бештару беҳтари мӯй кумак мекунад. Аз ин рӯ истеъмоли чормағз барои пешгирии рехтани мӯйи сар муфид аст.
Косметологон мегӯянд, ки дар бештари маводи пешгирӣ аз ожанги рӯй равғани чормағз мавҷуд аст. Агар аз пир шудани пӯст ва пайдоиши ожанг дар даври чашмонатон хавотир ҳастед, истифодаи ҳаррӯзаи чормағзро фаромӯш накунед. Ҳамчунин омегаҳои таркиби он сабаби ҳифзи нозукӣ ва латофати пӯст мешаванд.
Чормағзҳои пухта расида ғизои комил ва доруи баландсифат ба шумор мераванд. Ғизонокии чормағз ду баробар аз нони гандуми дараҷаи аъло болотар аст. Онҳоро барои муолиҷаи дарди артерияҳо ва нарасидани витаминҳо дар бадан тавсия медиҳанд. Ҳуҷайраҳо ва равғани дар таркиби чормағз вуҷуддошта кори рӯдаҳоро зиёд мекунанд. Солҳои қабл равғани чормағзро барои бемории сил истифода мебурданд. Бо доштани қобилияти мубориза бо газакҳо равғани чормағз бомуваффақият барои муолиҷаи бемориҳои илтиҳобии пӯст, луобҳо ва васеъшавии рагҳо истифода мешавад. Донишгоҳи таҳқиқотии Калифорния инро исбот намудааст, ки баъди истифодаи чорҳафтаинаи равғани чормағз холестерин дар хун ба муддати чанд моҳ кам мешавад. Ҳамчунин равғани чормағз барои харобшавӣ ва ҷавонкунии бадан истифода мешавад.
Бояд гуфт, ки на танҳо мағзи чормағз фоидаовар аст, балки пӯст ва барги онро низ дар соҳаи саноат васеъ истифода мебаранд. Дар пӯсти сабзи чормағз ва барги он моддае вуҷуд дорад, ки дар рангрезӣ ба кор меравад.
Чормағз дарахти мевадор, дарозумр, серҳосил ва калонҷусса буда, дар водиҳо ва баландкӯҳҳои Тоҷикистон хуб нашъунамо меёбад. Дарахти чормағз бисёрсола буда, баландиаш ба 35 метр мерасад.
АКС аз манбаъҳои боз
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
