Наҷотдиҳандагони Кумитаи ҳолатҳои фавқулода ва мудофиаи гражданӣ усулҳои нави кумакрасонӣ ба осебдидагонро омӯхтанд
ДУШАНБЕ, 11.11.2024 /АМИТ «Ховар»/. Кормандони воҳидҳои наҷоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон омӯзишҳои панҷрӯзаи интерактивиро барои азхуд намудани усулҳои нави расонидани кумак ба осебдидагон дар қаторкӯҳҳои мамлакат ба анҷом расониданд. Дар ин хусус ба АМИТ «Ховар» дар ин кумита хабар доданд.
Омӯзишҳо дар доираи татбиқи минбаъдаи ҳамкории дуҷонибаи Тоҷикистон ва Туркия дар самти коҳиши хатари офатҳои табиӣ дар омодасозӣ ва бозомӯзии кормандони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон гузаронида шуданд.
Ин тамринҳо аз ҷониби устодони ботаҷрибаи Агентии мудирияти ҳолатҳои фавқулодаи Туркия (AFAD) доир шуданд.
Ба иштирокчиёни тамринҳои панҷрӯза сертификатҳо супорида шуданд. Илова бар ин, аз ҷониби Туркия ба ҷузъу томҳои наҷоти ин кумита дастурҳои таълимӣ ва таҷҳизоти наҷот супорида шуданд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
АМНИЯТИ ЗЕҲНИ СУНЪӢ ВА ДУРНАМОИ РУШДИ ОН ДАР ТОҶИКИСТОН. Мутахассис ин мавзуъро шарҳ медиҳад
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
