Нишасти маҷозии Гурӯҳи кории иқтисодии C5+1 баргузор гардид
ДУШАНБЕ, 20.11.2024 /АМИТ «Ховар»/. 19 ноябр нишасти маҷозии Гурӯҳи кории иқтисодии C5+1 бо иштироки намояндагони давлатҳои Осиёи Марказӣ ва Иёлоти Муттаҳидаи Амрико оид ба тақвияти ҳамкории иқтисодӣ ва тиҷоратӣ баргузор гардид, ки дар он муовини Вазири рушди иқтисод ва савдои Ҷумҳурии Тоҷикистон Аҳлиддин Нуриддинзода иштирок намуд. Дар ин хусус АМИТ «Ховар» бо истинод ба Вазорати рушди иқтисод ва савдо хабар медиҳад.
Аҳлиддин Нуриддинзода изҳор дошт, ки Президенти Ҷумҳурии Тоҷикистон муҳтарам Эмомалӣ Раҳмон тақвияти иқтидори содиротӣ, диверсификатсияи содирот ва содагардонии расмиёти савдоро самтҳои афзалиятноки сиёсати иқтисодии Ҳукумати мамлакат дар соҳаи савдо муайян намудаанд.
Мавсуф вобаста ба пайвастшавии савдо, ҳамгироии байнидавлатӣ ва берунӣ, мутобиқсозии тартиботи гумрукӣ дар минтақаи Осиёи Марказӣ ва таъмини дастрасӣ ба бозорҳои байналмилалӣ сухан гуфт.
Таъкид шуд, ки Тоҷикистон ба тақвияти ҳамкорӣ ва ҳамгироии тиҷоратӣ дар минтақа, бахусус рушди инфрасохтори роҳҳо, роҳи оҳан ва шабакаҳои рақамӣ аҳамияти махсус медиҳад.
Дар анҷоми нишаст ҷонибҳо бобати такмили инфрасохтор, содагардонии расмиёти гумрукӣ, таъмини экосистемаи рушдёфта ва мутақобили судманд барои ҳама кишварҳои минтақаи Осиёи Марказӣ изҳори омодагӣ намуданд.
АКС: Вазорати рушди иқтисод ва савдои Ҷумҳурии Тоҷикистон
Татбиқи лоиҳаи таҷдиди роҳи мошингарди Душанбе-Кулма баррасӣ гардид
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷиро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
