Дар Маҷлиси намояндагон оид ба пешгирии никоҳи бармаҳал ва ҷалби духтарон ба касбомӯзӣ ҳамоиш доир шуд
ДУШАНБЕ, 19.12.2024 /АМИТ «Ховар»/. Имрӯз дар шаҳри Душанбе таҳти раёсати муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ дар мавзуи «Пешгирии никоҳи бармаҳал ва ба касбомӯзӣ ҷалб намудани духтарон — омили рушди босуботи ҷомеаи солим» ҳамоиш баргузор гардид. Дар ин хусус ба АМИТ «Ховар» дар Маҷлиси намояндагон хабар доданд.
Оид ба ин масъала Мавсума Муинӣ иброз дошт, ки оила дар ҳама давру замон барои ташаккулёбии ҷомеа ва рушди фарҳангу маънавиёти миллату давлатҳо нақши созгор дорад. Зеро калиди ҳама гуна дастоварду пешравии ҷомеа оилаҳои солиму устувор ба шумор мераванд.
«Аз рӯзҳои нахустини соҳибистиқлолӣ Президенти Ҷумҳурии Тоҷикистон муҳтарам Эмомалӣ Раҳмон ба масъалаи рушди оила, инчунин ташаккул ва устувории оилаҳои ҷавон диққати махсус зоҳир менамоянд. Парлумони Тоҷикистон ва Ҳукумати мамлакат барои солимгардонии оилаҳои тоҷик санад ва қарорҳои махсус ба имзо расонидаанд, ки бо шарофати онҳо сатҳи устувории оилаҳо баланд шуда, барои хушбахтию пойдории онҳо заминаи воқеии бунёдию ҳуқуқӣ гузошта мешавад»,-изҳор дошт Мавсума Муинӣ.
Дар мамлакат соли 2015 Соли оила эълон гардида буд, ки ҳадаф аз он баррасии масъалаҳои баланд бардоштани маърифати оиладорӣ, омода кардани фарзандон ба ҳаёти мустақилона ва пойдории оила, пешгирии пошхӯрии оилаҳо ва дар маҷмуъ, ташаккули насли солим, оилаи солим ва ҷомеаи солим ба ҳисоб мерафт.
Бунёди оила ҳавою ҳавас набуда, ба синни никоҳӣ расидани ҷавонон маънои онро надорад, ки барои бунёди оилаи устувору солим комилан тайёр мебошанд. Дарки масъулият дар ин масъала яке аз ҷанбаҳои муҳимтарини оилаҳои кунунӣ мебошад.
Таъкид гардид, ки аҳли ҷомеа ва бахусус вакилонро зарур аст, ки дар ҳамбастагӣ бо ниҳодҳои алоқаманди давлатию ҷамъиятӣ ва шарикони ҳамкор дар самти баланд бардоштани маърифати оиладорӣ, омода намудани ҷавонон ба ҳаёти мустақилона, пешгирии никоҳи бармаҳал ва вайроншавии оилаҳо, бахусус соҳибкасб намудани духтарони ҷавон пайваста тадбирҳои зарурӣ андешанд. Ҳамчунин бо назардошти манфиатҳои миллиамон дар такмили қонунгузории миллӣ саҳм гузоранд.
АКС: Маҷлиси намояндагони Маҷлиси Олии Ҷумҳурии Тоҷикистон
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
Кӯдаконро аз иттилооти ба саломатӣ ва инкишофи онҳо зараровар ҳифз бояд намуд
Ба муносибати Рӯзи байналмилалии ҳифзи ҳуқуқи кӯдак дар боғи «Курӯши Кабир» чорабинии тантанавӣ баргузор шуд
