Коршиносони ширкати Чин бо шароити хизматрасонии ҳаракати ҳавоӣ дар «Тоҷикаэронавигатсия» шинос шуданд
ДУШАНБЕ, 20.12.2024 /АМИТ «Ховар»/. Дар доираи ҳамкории дуҷонибаи Ҷумҳурии Тоҷикистон ва Ҷумҳурии Мардумии Чин дар соҳаи аэронавигатсия коршиносони ширкати «ELIF TRADING CO. LIMITED»-и Ҷумҳурии Мардумии Чин ба Корхонаи воҳиди давлатии «Тоҷикаэронавигатсия» омада, бо фаъолияти ин корхона шинос шуданд. Дар ин хусус ба АМИТ «Ховар» дар «Тоҷикаэронавигатсия» иттилоъ доданд.
Коршиносони чинӣ бо нуқтаҳои кории танзимгарӣ ва иштироки бевосита дар иҷрои парвозҳо, ҳисоб намудани иқтидори интиқоли бахшҳои хизматрасонии ҳаракати ҳавоӣ бо шароити хизматрасонии ҳаракати ҳавоӣ, тарҳрезии фазои ҳавоӣ, миқдори роҳҳои ҳавоӣ ва хусусияти онҳо, хусусияти иҷрои муқаррароти парвозҳо, муқаррароти хизматрасонии ҳаракати ҳавоӣ, хусусияти бо масофа ҷудо намудани ҳавопаймоҳо ва хусусияти ҳамкорӣ бо хадамоти фурудгоҳҳои байналмилалии Ҷумҳурии Тоҷикистон шинос шуданд. Инҳо омилҳои асосии муайянкунандаи қобилияти хизматрасонии шумораи муайяни ҳавопаймоҳо дар як соат аз ҷониби танзимгарон мебошанд.
Барои пурра ва дуруст амалӣ намудани нақшаи тасдиқгардида гуфтушунидҳои ҷудогона вобаста ба дақиқ намудани баъзе ҳолатҳои истеҳсолоти парвозҳо ва усули муайян намудани таваққуфгоҳҳои ҳавопаймоҳо бо шахси масъули фурудгоҳи байналмилалии Душанбе, инчунин бо сардорони маркази танзими аэродромии филиалҳои корхона дар шаҳрҳои Кӯлобу Бохтар ва танзимгари калони филиали корхона дар шаҳри Хуҷанд гузаронида шуданд.
Барои дақиқ намудани иқтидори интиқоли фазои ҳавоии Ҷумҳурии Тоҷикистон, пеш аз ҳама, муайян ва дар ҳолати зарурӣ зиёд намудани тавоноии бахшҳои хизматрасонии ҳаракати ҳавоӣ дар корхона, баланд бардоштани сатҳу сифати хизматрасонии аэронавигатсионӣ дар ҳарими ҳавоии Ҷумҳурии Тоҷикистон ва ба меъёрҳои байналмилалӣ мутобиқ намудани онҳо дар Корхонаи воҳиди давлатии «Тоҷикаэронавигатсия» тадбирҳои зарурӣ андешида мешавад.
АКС: «Тоҷикаэронавигатсия»
РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Ҳамкории Тоҷикистон бо Созмони озуқаворӣ ва кишоварзии СММ дар самти муҳити зист баррасӣ гардид
Дар Тоҷикистон ҷамъоварии ҳосили лимӯ оғоз шуд
Имсол ба Вилояти Мухтори Кӯҳистони Бадахшон беш аз 40 ҳазор сайёҳ ворид гардид
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
