Масъалаи муқовимат ба коррупсия дар ҷараёни иҷрои Барномаи давлатӣ оид ба кумаки унвонии иҷтимоӣ баррасӣ шуд
ДУШАНБЕ, 29.12.2024 /АМИТ «Ховар»/. Дар Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар мавзуи «Муқовимат ба коррупсия дар ҷараёни иҷрои Барномаи давлатӣ оид ба кумаки унвонии иҷтимоӣ» машварат баргузор гардид. Дар ин хусус ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолӣ хабар доданд.
Муовини Вазири тандурустӣ ва ҳифзи иҷтимоии аҳолӣ Шодихон Ҷамшед иброз намуд, ки пешгирии коррупсия дар маркази диққати роҳбарияти олии давлату Ҳукумати Тоҷикистон қарор дошта, барои решакан намудани ин зуҳуроти номатлуби ҷомеа давоми солҳои охир дар мамлакат тадбирҳои муҳиму саривақтӣ амалӣ мешаванд.
Дар чорабинӣ аз ҷониби масъулин оид ба қонунгузории Ҷумҳурии Тоҷикистон дар самти муқовимат ба коррупсия, санадҳои меъёрии ҳуқуқӣ ва шартномаҳои байналмилалӣ дар самти муқовимат ба коррупсия, ки Ҷумҳурии Тоҷикистон иштирокчии он мебошад, ҳолатҳои коррупсионӣ дар самти ҳифзи иҷтимоии аҳолӣ ва таъсири минбаъдаи онҳо дар рушди мамлакат, муқовимат ба коррупсия, принсипҳои он, субъектҳои ба коррупсия муқовиматкунанда, чораҳои пешгирии коррупсия дар Ҷумҳурии Тоҷикистон, ҷавобгарӣ барои амалҳои коррупсионӣ (интизомӣ, гражданӣ, маъмурӣ ва ҷиноятӣ) мавриди баррасӣ қарор гирифтанд.
Таъкид гардид, ки барои иҷрои фармонҳои Президенти Ҷумҳурии Тоҷикистон ва қарорҳои Ҳукумати Ҷумҳурии Тоҷикистон фармоишҳои Вазири тандурустӣ ва ҳифзи иҷтимоии аҳолӣ дар бораи «Нақшаи чорабиниҳои татбиқи «Стратегияи муқовимат ба коррупсия дар Вазорати тандурустӣ ва ҳифзи иҷтимоии аҳолӣ барои соли 2024» ва «Нақшаи амал вобаста ба баҳодиҳӣ ва бартараф намудани хавфҳои коррупсионӣ барои солҳои 2023-2024» тасдиқ гардида, мавриди иҷро қарор доранд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Дар ноҳияи Шамсиддини Шоҳин ба муносибати таъсиси Қувваҳои Мусаллаҳи Тоҷикистон ҳамоиш доир шуд
Дар партави ҳидоятҳои Президенти Тоҷикистон ба оилаҳои ниёзманд дар шаҳри Душанбе кумак расонида шуд
Дар мақомоти Ваколатдор оид ба ҳуқуқи инсон бахшида ба Рӯзи Қувваҳои Мусаллаҳи Тоҷикистон конфронс доир шуд
Дар Агентии суғуртаи иҷтимоӣ ва нафақа Рӯзи Қувваҳои Мусаллаҳи Тоҷикистонро таҷлил намуданд
Бахшида ба таъсиси Қувваҳои Мусаллаҳи Тоҷикистон дар Кумита оид ба таҳсилоти ибтидоӣ ва миёнаи касбӣ ҳамоиши тантанавӣ баргузор шуд
Риояи қонуни танзими ҷашну маросим омили сарфакорӣ ва таҳкими маърифати ҳуқуқии шаҳрвандон мебошад
Дар ноҳияи Ёвон намоиши ҷойи нави кор баргузор гардид
Масъалаи рушди низоми таҳсилоти ибтидоӣ ва миёнаи касбӣ дар Тоҷикистон бо Роҳбари Намояндагии Иттиҳоди Аврупо баррасӣ гардид
Ҷаласаи Кумитаи роҳбарикунандаи байниидоравӣ оид ба татбиқи лоиҳаи «Миллати солими Тоҷикистон» баргузор шуд
Бахшида ба 35-солагии Истиқлоли давлатӣ 47 бинои муассисаи таълимии таҳсилоти ибтидоии касбӣ таъмир гардид
ҶОИЗАИ БА НОМИ ИСМОИЛИ СОМОНӢ. Барои олимони ҷавон дар соли 2026 озмун эълон гардид
Дар Тоҷикистон барои табобати омоси ҷигар усули нав амалӣ шуд
