Дар хоҷагии ёрирасони бахши ҳифзи муҳити зисти ноҳияи Мастчоҳ беш аз 200 ҳазор бех ниҳол шинонида мешавад
ДУШАНБЕ, 29.01.2025 /АМИТ «Ховар»/. Дар хоҷагии ёрирасони бахши ҳифзи муҳити зисти ноҳияи Мастчоҳ тибқи нақша беш аз 200 ҳазор бех ниҳолҳои сояафкан ва ороишӣ шинонида мешаванд.
Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Мастчоҳ хабар медиҳад, хоҷагии ёрирасон бо мақсади парвариши ниҳолҳои гуногуне, ки ба иқлими минтақа мутобиқ мебошанд, ташкил шуда, масоҳати умумияш 5 гектарро ташкил медиҳад. Тибқи нақша, дар ин минтақа беш аз 200 ҳазор бех ниҳолҳои сояафкан ва ороишӣ шинонида шуда, ин иқдом ба беҳтар намудани муҳити зист ва баланд бардоштани сифати ҳаво дар минтақа мусоидат мекунад.
27 январ зимни иштироки муовини Сарвазири Тоҷикистон Сулаймон Зиёзода дар маъракаи ниҳолшинонии хоҷагии ёрирасони бахши ҳифзи муҳити зисти ноҳия таъкид гардид, ки сабзазоркунӣ яке аз самтҳои афзалиятноки сиёсати экологӣ дар ҷумҳурӣ маҳсуб мешавад. Шинонидани ниҳолҳо на танҳо барои беҳбуди муҳити зист, балки беҳтар намудани шароити зиндагии аҳолӣ низ нақши муҳим дорад. Ба масъулин тавсия дода шуд, ки ба парвариш ва нигоҳубини ниҳолҳои шинонида диққати махсус диҳанд.
Дар ниҳолшинонӣ кормандони бахши ҳифзи муҳити зист ва намояндагони ҷомеаи маҳаллӣ иштирок намуданд. Ҳадафи асосии ин маърака на танҳо ниҳолшинонӣ, балки тарғиби фарҳанги ҳифзи муҳити зист ва ҷалби бештари мардум ба сабзкорӣ мебошад.
АКС: Мақомоти иҷроияи ҳокимияти давлатии ноҳияи Мастчоҳ
«КИШВАРИ САБЗ». Дар шаҳри Исфара 1200 бех ниҳол шинонида шуд
ДАРАХТ БИНШОН! Дар шоҳроҳи байналмилалии Хуҷанд-Чанок 500 бех ниҳоли санавбар шинонида шуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
«КИШВАРИ САБЗ». Дар шафати роҳи мошингарди Конибодом –Хуҷанд 2700 бех ниҳол шинонида мешавад
Энергетикҳо дар маҳаллаи Лучоби Боло 1500 бех ниҳоли дарахтони мевадиҳанда шинониданд
ДАРАХТ БИНШОН! Дар Роғун, Ваҳдат ва Файзобод беш аз 2 ҳазор бех ниҳоли дарахтони ороишӣ шинонида шуд
Бо иштироки муовини Сарвазири Тоҷикистон ва аъзои ҲХДТ дар Варзоб беш аз 700 бех ниҳол шинонида шуд
Ҳифзи растаниҳои нодир вазифаи ҳар як шаҳрванд мебошад
Дар шаҳри Турсунзода зиёда аз 22 ҳазор бех ниҳол ва 300 ҳазор дона гулҳои гуногун шинонида мешаванд
БАРНОМАИ ДАВЛАТИИ КАБУДИЗОРКУНӢ. Дар Ҳисор беш аз 20 ҳазор бех ниҳоли дарахтони ҳамешасабз шинонида мешавад
Дар шаҳри Ваҳдат бо иштироки муовини Сарвазири Тоҷикистон маъракаи ниҳолшинонӣ доир гардид
Дар минтақаи Ховарон дар беш аз 7 гектар боғи мевадиҳанда бунёд мегардад
