Дар шаҳри бостонии Хуҷанд ба таҷлили Иди байналмилалии Наврӯз омодагӣ мегиранд
ДУШАНБЕ, 24.01.2025 /АМИТ «Ховар»/. Масъалаи омодагӣ ба Иди байналмилалии Наврӯз ва вусъатбахшии корҳои ободонию созандагӣ дар ҷаласаи кумитаи тадорукоти Иди байналмилалии Наврӯз бо ҳузури роҳбарияти вилояти Суғд баррасӣ шуд. Дар ин хусус АМИТ «Ховар» бо истинод ба хадамоти матбуоти Раиси вилояти Суғд иттилоъ медиҳад.
Дар ҷаласа таъкид гардид, ки Наврӯз яке аз қадимтарин идҳои тоҷикон ба шумор рафта, бо қарори Маҷмаи умумии Созмони Милали Муттаҳид ба иди ҷаҳонӣ табдил ёфтааст. Наврӯзро чун иди баҳор ва эҳёи табиат дар бисёр кишварҳои минтақа ва ҷаҳон ҷашн мегиранд.
Бо назардошти аҳамият ва мақоми иди аҷдодӣ ҳамасола барои дар сатҳи баланд таҷлил намудани Иди байналмилалии Наврӯз нақшаи чорабиниҳои Мақомоти иҷроияи ҳокимияти давлатии вилояти Суғд тасдиқ гардида, чорабинию ҳамоишҳои гуногун гузаронида мешаванд.
Ба аъзои кумитаи тадорукоти Иди байналмилалии Наврӯз барои таҳия, тасдиқ ва таъмини иҷрои нақшаи чорабиниҳо, корҳои ободонию созандагӣ, сабзу хуррам намудани муҳити зист, ташкили сайру гашт ва барномаҳои фарҳангӣ дар шаҳру ноҳияҳо, насби шиору овезаҳо ва омода сохтани иншооти ҷашнӣ супориш дода шуд.
АКС: Хадамоти матбуоти Раиси вилояти Суғд
ТОҶИКОН — МЕРОСБАРИ ТАМАДДУНИ ОРИЁӢ. Иқдоми Тоҷикистон дар самти ҳифзу арҷгузорӣ ба тамаддуни ориёӣ саривақтӣ ва муҳим аст
Сокинони шаҳри Исфара соҳиби туҳфаи Пешвои миллат- «Шоҳнома»-и безавол мегарданд
Дар Коллеҷи муҳандисию омӯзгории шаҳри Душанбе маркази омӯзиши забони чинӣ таъсис дода мешавад
БОРБАД — АСОСГУЗОРИ МУСИҚИИ ШАРҚ. Хунёгаре, ки назирашро таърихи башар ёд надорад
Дар Душанбе рӯзҳои фарҳангии шаҳру ноҳияҳои Тоҷикистон баргузор мегарданд
Масъалаи дастрасӣ ба оби нӯшокии устувор бо намояндагони ЮНИСЕФ дар Тоҷикистон баррасӣ гардид
Академик Фарҳод Раҳимӣ: «Бунёди Маҷмааи эҳёи хотираи таърихӣ ва таҳкими ҳувияти миллӣ дар Душанбе аҳамияти бузурги сиёсӣ, иҷтимоӣ, фарҳангӣ ва маънавӣ дорад»
Дар Академияи миллии илмҳо нуктаҳои асосии Паёми Президенти Тоҷикистон шарҳ дода шуд
ПЕШВОИ МИЛЛАТ — ЭҲЁГАРИ НАВРӮЗ. Пас аз Истиқлоли давлатии Тоҷикистон Наврӯз дар сатҳи байналмилалӣ ҷойгоҳ пайдо намуд
Соли 2025 — соли афзоиши устувори истифодабарандагон ва тақвияти нуфузи АМИТ «Ховар» дар фазои рақамӣ
Дар Тоҷикистон охири моҳи январ ҷашни Сада таҷлил мегардад
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихию фарҳангӣ маъракаи тозагӣ, ободонӣ ва ниҳолшинонӣ идома дорад
