Маркази минтақавии Тоҷикистон сазовори мақоми Маркази минтақавӣ барои давлатҳои Осиёи Марказӣ гардид
ДУШАНБЕ, 29.01.2025 /АМИТ «Ховар»/. Дар қароргоҳи Агентии байналмилалии неруи атомӣ дар шаҳри Венаи Ҷумҳурии Австрия ҷамъомади тантанавӣ оид ба супоридани лавҳа ба Маркази минтақавии Тоҷикистон барои давлатҳои Осиёи Марказӣ баргузор гардид, ки он сатҳи баланди мутобиқати Маркази минтақавии амнияти химиявӣ, биологӣ, радиатсионӣ ва ядроиро ба талаботи ин агентӣ инъикос менамояд. Дар асоси ин аккредитатсия марказ расман мақоми Маркази минтақавӣ барои давлатҳои Осиёи Марказиро соҳиб шуд. Дар ин хусус ба АМИТ «Ховар» дар Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон хабар доданд.
Аз байни 180 давлати аъзои Агентии байналмилалии неруи атомӣ чунин марказҳои минтақавӣ оид ба амнияти ядроӣ ва бехатарии радиатсионӣ танҳо дар 11 кишвари ҷаҳон фаъолият менамоянд. Ҷумҳурии Тоҷикистон 12-умин давлате гардид, ки дар он чунин марказ таъсис шуда, сазовари ин аккредитатсия гардид. Аз аккредитатсия гузаштани марказ ва эътироф шудани он ҳамчун Маркази минтақавӣ дар як саф будани онро бо давлатҳои абарқудрат, ба мисли ИМА, Федератсияи Русия, Британияи Кабир, Ҷопон, Чин, Фаронса ва дигар кишварҳо нишон медиҳад.
Маркази минтақавӣ соли 2024 аз ҷониби Президенти Ҷумҳурии Тоҷикистон муҳтарам Эмомалӣ Раҳмон барои баланд бардоштани сатҳи амният ва тақвияти иқтидори илмии Тоҷикистон ва минтақа таъсис дода шуд.
Сазовор шудан ба мақоми минтақавӣ баъд аз ташрифи гурӯҳи коршиносони Агентии байналмилалии неруи атомӣ ба Тоҷикистон ва шиносоӣ бо мутахассисони марказ ва таҷҳизоти насбгардида имконпазир гардид. Марказ тибқи талаботи Агентии байналмилалии неруи атомӣ аз аккредитатсияи байналмилалӣ гузашта, соҳиби мақоми минтақавӣ шуд.
Эътироф намудани мақоми Маркази минтақавӣ барои кишварҳои Осиёи Марказӣ рӯйдоди муҳиме аст, ки имконоти нави ҳамкорӣ бо шарикони рушдро фароҳам меорад. Дар айни замон дар марказ омоданамоии мутахассисон ва бурдани корҳои илмӣ-таҳқиқотӣ на танҳо барои Ҷумҳурии Тоҷикистон, балки барои тамоми кишварҳои минтақа анҷом дода мешавад.
Директори Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон Илҳом Мирсаидзода гуфт, ки аккредитатсияи марказ аз ҷониби Агентии байналмилалии неруи атомӣ натиҷаи меҳнати бисёрсола, дастгириҳои байналмилалӣ ва таваҷҷуҳи Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ мебошад.
Марказ занҷираи калидӣ дар таъмини амнияти минтақа буда, дар рушди устувори Осиёи Марказӣ саҳми назаррас мегузорад.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
ДАРАИ АЛМОСӢ. Аз ҷониби ҷомеаи ҷаҳонӣ ҳамчун мавзеи беназири таърихии кишоварзӣ этироф гардид
Дараи Алмосии шаҳри Ҳисор расман ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Дар Бонки миллӣ бо ҳайати Дафтари Швейтсария оид ба ҳамкорӣ дар Ҷумҳурии Тоҷикистон вохӯрӣ доир гардид
Дар Хатлон масъалаи таъсиси корхонаи саноатии батареяҳои офтобӣ баррасӣ гардид
Имсол аз Тоҷикистон беш аз 90 ҳазор тонна маҳсулоти кишоварзӣ содирот гардидааст
Гӯсфанди зоти ҳисорӣ ва ангури гулобии тоифӣ аз Тоҷикистон ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Вазъи кунунии паркҳои технологӣ дар Ҷумҳурии Тоҷикистон мавриди баррасӣ қарор гирифт
«Сомон Эйр» парвозҳои мустақимро дар масири Душанбе-Теҳрон ва Душанбе-Ҷидда барқарор менамояд
Тақвияти ҳамкории доираҳои соҳибкории Тоҷикистону Қирғизистон баррасӣ гардид
Масъалаи содироти сабзавоту меваи Тоҷикистон ба вилояти Свердловск баррасӣ гардид
Ҳайати Тоҷикистон дар ҷаласаи Шабакаи зиддикоррупсионии Созмони Ҳамкории Иқтисодӣ ва Рушд барои кишварҳои Аврупои Шарқӣ ва Осиёи Марказӣ иштирок намуд
Дараи Алмосии шаҳри Ҳисор расман ҳамчун «Низоми мероси кишоварзии дорои аҳамияти ҷаҳонӣ» эътироф гардид
