НИШАСТИ МАТБУОТӢ. 31 донишҷӯи Академияи идоракунии давлатӣ ба муассисаҳои таҳсилоти олии хориҷи мамлакат фиристода шуданд
ДУШАНБЕ, 28.01.2025. /АМИТ «Ховар»/. Соли 2024 байни Академияи идоракунии давлатии назди Президенти Ҷумҳурии Тоҷикистон, дигар муассисаҳои таҳсилоти олии хориҷӣ ва созмонҳои байналмилалӣ 7 созишномаи ҳамкорӣ ба имзо расонида шуд. Дар ин давра табодули донишҷӯён ба муассисаҳои таҳсилоти олии хориҷи мамлакат дар академия 31 нафарро ташкил дод. Дар ин хусус имрӯз зимни нишасти матбуотӣ Ректори Академияи идоракунии давлатӣ Даврон Сафарзода ба доираи васеи рӯзноманигорон иттилоъ дод.
Ба иттилои Даврон Сафарзода, Академияи идоракунии давлатӣ муасссисаи таҳсилоти олии касбӣ ва таҳсилоти баъд аз муассисаи олии таълимӣ буда, барномаҳои таълимӣ, нақшаҳои илмию таҳқиқотӣ, таҷрибаомӯзии мутахассисони соҳаи идоракунии давлатӣ ва фармоиши давлатиро оид ба тайёркунии касбӣ, азнавтайёркунӣ, такмили ихтисос, таҷрибаомӯзии хизматчиёни давлатии Ҷумҳурии Тоҷикистон амалӣ менамояд.
Дар соли таҳсили 2024-2025 дар баробари ба тариқи тестӣ санҷидани савияи дониши донишҷӯёну магистрантон ҳамзамон тавассути иштирок дар машғулияти устодон ба сатҳи азхудкунии дониш ва фаъолияти омӯзгорон баҳо гузошта шуд. Зимни баҳогузорӣ маълум гардид, ки сифати таҳсил аз рӯйи шумораи донишҷӯёну магистрантон 59,7 фоиз ва азхудкунӣ 97,2 фоизро ташкил дод.
Дар самти ба анҷом расонидани корҳои илмӣ-таҳқиқотӣ ва ҳавасмандгардонӣ Даврон Сафарзода иброз намуд, ки дар академия барои ҳимояи рисолаи номзадӣ 10 ҳазор сомонӣ ва рисолаи докторӣ 15 ҳазор сомонӣ мукофот муқаррар гардидааст.
Шаҳлои САДРИДДИН,
АМИТ «Ховар»
АКС: АМИТ «Ховар»
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
Байни Маркази барномаҳои байналмилалӣ ва King’s College London Ёддошти тафоҳум ба имзо расид
Дар Филиали Донишкадаи рушди менеҷменти Сингапур дар шаҳри Душанбе шумораи донишҷӯён меафзояд
