НИШАСТИ МАТБУОТӢ. Дар Тоҷикистон панҷ барномаи давлатӣ барои беҳтар намудани заминҳои кишоварзӣ амал менамояд
ДУШАНБЕ, 30.01.2025. /АМИТ «Ховар»/. Дар Ҷумҳурии Тоҷикистон барои беҳтар намудани вазъи мелиоративии заминҳо, корҳои соҳилмустаҳкамкунӣ ва дигар масъалаҳои вобаста ба беҳтар намудани ҳолати заминҳо панҷ барномаи давлатии соҳавӣ амалӣ мегардад. Чунин иттилоъ дод имрӯз зимни нишасти матбуотӣ директори Агентии беҳдошти замин ва обёрии назди Ҳукумати Ҷумҳурии Тоҷикистон Зафарбек Давлатзода.
Дар Агентии беҳдошти замин ва обёрӣ дар айни замон «Барномаи беҳтар намудани вазъи мелиоративии заминҳои обёришавандаи кишоварзии Ҷумҳурии Тоҷикистон барои солҳои 2024-2028», «Барномаи давлатии корҳои соҳилмустаҳкамкунӣ дар Ҷумҳурии Тоҷикистон барои солҳои 2023-2027», «Барномаи давлатии азхудкунии заминҳои нави обёришаванда ва барқарорсозии заминҳои аз гардиши кишоварзӣ берунмонда дар Ҷумҳурии Тоҷикистон барои солҳои 2022-2027», «Барномаи сармоягузории бо таҷҳизоти муосиру каммасрафи барқӣ таъмин намудани пойгоҳҳои обкашии Агентии беҳдошти замин ва обёрии назди Ҳукумати Ҷумҳурии Тоҷикистон барои солҳои 2023-2027» ва «Барномаи рушди соҳаи беҳдошти замин ва обёрӣ барои солҳои 2024-2028» бо арзиши умумии 2 миллиарду 241 миллион сомонӣ мавриди амал қарор доранд.
Иттилоъ дода шуд, ки соли 2024 дар доираи ин барномаҳо 99 фоизи нақшаи корҳои мелиоративӣ ба анҷом расида, ҳолати ғайриқаноатбахши мелиоративии 10 107 гектар замин беҳтар карда шуд ва бо иқтидори 2711 гектар заминҳои нав азхуд карда шуданд. Инчунин барои 8 пойгоҳи обкашии минтақаҳои Кӯлобу Бохтари вилояти Хатлон ба маблағи умумии 67 миллиону 890 ҳазор сомонӣ таҷҳизоти зарурӣ харида шуд.
Зафарбек Давлатзода иброз намуд, ки барои дастгирии соҳаи беҳдошти замин ва обёрӣ дар назди Агентӣ 4 лоиҳаи сармоягузории давлатӣ татбиқ мешавад, ки ба таъмиру барқарорсозии иншооти обёрӣ ва инфрасохтори он равона шудаанд.
Агентии беҳдошти замин ва обёрии назди Ҳукумати Ҷумҳурии Тоҷикистон соли 2025 нақша дорад, ки бо мақсади боз ҳам беҳтар таъмин намудани заминҳои обёришаванда бо об, азхудкунии 3254 гектар замини нав, барқарорсозии 1400 гектар замини аз гардиши кишоварзӣ берунмонда, беҳтар намудани ҳолати ғайриқаноатбахши мелиоративии заминҳои корами обӣ дар майдони 15 632 гектар, харидани таҷҳизот барои пойгоҳҳои обкашӣ ба маблағи 315 миллиону 600 ҳазор сомонӣ, маблағгузории чорабиниҳои «Барномаи рушди соҳаи беҳдошти замин ва обёрӣ» ба андозаи 118 миллиону 570 ҳазор сомонӣ ва корҳои соҳилмустаҳкамкунӣ ба дарозии 37 642 метрро анҷом диҳад.
Инчунин дар назар аст, ки лоиҳаи Қонуни Ҷумҳурии Тоҷикистон «Дар бораи беҳдошти замин ва обёрӣ» таҳия гардад.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
Тоҷикистон ва Ҷопон ҳамкориро дар самти рушди энергетикаи «сабз» густариш медиҳанд
«ДУШАНБЕ ИНВЕСТ-2025». Соҳибкор аз Аморати Муттаҳиддаи Араб Марям Алшинасӣ: «Тоҷикон воқеан мардуми меҳмоннавоз, самимӣ ва дорои таъриху фарҳанги қадимӣ мебошанд»
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Ҳайати Тоҷикистон бо муовини директори иҷроияи Хазинаи байналмилалии асъор вохӯрӣ намуд
«ДУШАНБЕ ИНВЕСТ-2025». Байни Вазорати энергетика ва захираҳои оби Тоҷикистон ва ширкатҳои ватанию хориҷӣ се протокол ва ду ёддошти тафоҳум ба имзо расид
Ҳамкории Тоҷикистон ва Гурӯҳи Бонки исломии рушд дар пешбурди лоиҳаҳои стратегӣ дар Амрико баррасӣ гардид
Дар Тоҷикистон беш аз 184 ҳазор хоҷагии деҳқонӣ фаъолият менамоянд
«ДУШАНБЕ ИНВЕСТ-2025». Дар маҷмуъ 52 санад ба маблағи беш аз 4 миллиард доллар ба имзо расид
