Дар Боку ҷаласаи 15-уми пленарии Ассамблеяи парлумонии Осиё баргузор мешавад
ДУШАНБЕ, 19.02.2025 /АМИТ «Ховар»/. Имрӯз ҳайати парлумонии Тоҷикистон таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода барои иштирок дар ҷаласаи 15-уми пленарии «Нақши дипломатияи парлумонӣ дар таҳкими ҳамкории бисёрсола дар Осиё» ба шаҳри Бокуи Ҷумҳурии Озарбойҷон сафар намуд. Дар ин хусус ба АМИТ «Ховар» аз Маҷлиси намояндагон хабар доданд.
Интизор меравад, ки ҳайатҳои парлумонҳои беш аз 30 кишвар ва созмонҳои байналмилалӣ, аз ҷумла раисони парлумонҳои беш аз 10 давлат дар ин ҷаласаи сатҳи баланд иштирок намоянд.
Дар чорабинӣ ҷаласаи Шурои иҷроия, пленум, ҷаласаҳои кумитаҳо оид ба масъалаҳои сиёсӣ, иқтисодӣ, буҷетӣ ва иҷтимоӣ баргузор мегарданд. Ҳамчунин лоиҳаи қарорҳо аз рӯйи масъалаҳои муҳим баррасӣ мешаванд.
Илова бар ин дар ҷараёни ҷаласа якчанд мулоқоти дуҷонибаи ҳайатҳои иштироккунанда дар назар аст. Ин вохӯриҳо имкон медиҳанд, ки доир ба фаъолияти кунунии Ассамблеяи парлумонии Осиё ва дурнамои рушди минбаъдаи он табодули афкор доир шавад.
Дар анҷоми ҷаласа Эъломияи Боку ва гузориши ниҳоии Котиботи Ассамблеяи парлумонии Осиё қабул карда мешавад.
АКС: Маҷлиси намояндагони Маҷлиси Олии Ҷумҳурии Тоҷикистон
ПАРЛАМЕНТ ВА ДИПЛОМАТИЯИ МИЛЛӢ: 35 СОЛИ ТАҶРИБАИ ДАВЛАТДОРИИ МУСТАҚИЛИ ТОҶИКИСТОН. Андешаҳои муовини Раиси Маҷлиси намояндагон Мавсума Муинӣ
Дилноза Аҳмадзода: «Истиқлолият заминаи асосии таҳкими давлатдории миллӣ ва рушди Тоҷикистон гардид»
Файзалӣ Идизода сокинони Сангворро ба гиромӣ доштани дастовардҳои Истиқлоли давлатӣ даъват намуд
35 СОЛИ СОҲИБИСТИҚЛОЛӢ. Марҳилаи пур аз рӯйдодҳои муҳим, созандагӣ ва дастовардҳои беназири Тоҷикистон
Вакилони Маҷлиси намояндагон ба фаъолони ноҳияҳои Исмоили Сомонӣ ва Шоҳмансури пойтахт моҳияти Истиқлоли давлатиро шарҳ доданд
Муовини якуми Раиси Маҷлиси намояндагон бо фаъолони шаҳри Панҷакент вохӯрӣ намуд
Файзалӣ Идизода бо аскарону афсарон ва фаъолони ноҳияи Сангвор вохӯрӣ намуд
Вохӯрии вакили Маҷлиси намояндагон бо кормандони Раёсати Вазорати корҳои дохилӣ дар шаҳри Душанбе доир шуд
Дастовардҳои соҳаи маориф дар солҳои Истиқлолияти давлатӣ дар шаҳри Ҳисор баррасӣ шуданд
Вакили Маҷлиси намояндагон бо фаъолони ноҳияи Шамсиддин Шоҳин вохӯрӣ намуд
Вакилони Маҷлиси намояндагон бо фаъолони ноҳияи Фирдавсӣ вохӯрӣ намуданд
Вакили Маҷлиси намояндагон бо кормандони соҳаи тандурустии шаҳри Ҳисор вохӯрӣ намуд
