Дар Душанбе ҳамкории Тоҷикистон ва Шоҳигарии Арабистони Саудӣ дар самти содирот баррасӣ шуд
ДУШАНБЕ, 22.02.2025 /АМИТ «Ховар»/. 19 феврал дар мулоқоти Директори Агентии содироти назди Ҳукумати Ҷумҳурии Тоҷикистон Баҳриддин Сироҷиддинзода ва Сафири Фавқулода ва Мухтори Шоҳигарии Арабистони Саудӣ дар Ҷумҳурии Тоҷикистон Валид ибн Абдураҳмон ар-Решайдон ҳолати кунунӣ ва дурнамои ҳамкории Тоҷикистон ва Шоҳигарии Арабистони Саудӣ дар самти содирот мавриди баррасӣ қарор дода шуд. Дар ин хусус АМИТ «Ховар» бо истинод ба Агентии содирот хабар медиҳад.
Инчунин ҷонибҳо барои ҳамкорӣ дар татбиқи лоиҳаҳои содиротии ҷумҳурӣ, аз ҷумла татбиқи марказҳои логистикии содиротӣ мубодилаи афкор намуданд.
Баҳриддин Сироҷиддинзода иброз намуд, ки Тоҷикистон метавонад содироти молу маҳсулоти аз ҷиҳати экологӣ тоза, аз ҷумла меваю сабзавоти барвақтӣ ва мавсимӣ, обҳои нӯшокӣ, афшураҳои мева, асал, чормағз, себ, пиёзи барвақтӣ ва сирпиёз ва дигар намуди маҳсулотро дар баробари давлатҳои ҷанубу шарқ ба Шоҳигарии Арабистони Саудӣ воридот намояд.
Ҳамзамон ҷониби Тоҷикистон омода аст, ки бо шарикони Саудӣ дар ҷумҳурӣ марказҳои логистикии содиротӣ таъсис диҳад. Ин имкон медиҳад маҳсулоти хушсифат ва мутобиқ ба стандартҳои Саудӣ бандубаст гардад ва бо нархҳои барои ҳарду ҷониб мусоид ба бозорҳои Шоҳигарии Арабистони Саудӣ ва бозорҳои сеюм содирот шавад.
Ҷониби Шоҳигарии Арабистони Саудӣ масъалаи воридоти маҳсулоти Тоҷикистонро ба бозорҳои Саудӣ ҷонибдорӣ намуда, барои мусоидат ба дарёфти ҳамшарик аз ширкату фондҳои Саудӣ дар татбиқи марказҳои логистикии содиротӣ ибрози омодагӣ намуд.
АКС: Агентии содироти назди Ҳукумати Ҷумҳурии Тоҷикистон
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
