Дар соҳаҳои кишоварзӣ, сохтмон, саноат ва савдои шаҳри Ҳисор беш аз 5,4 ҳазор ҷойи нави кор таъсис ёфтааст
ДУШАНБЕ, 12.02.2025 /АМИТ «Ховар»/. Соли 2024 дар шаҳри Ҳисор 5 ҳазору 495 ҷойи нави кор таъсис дода шуд. Дар ин хусус зимни нишасти матбуотии Мақомоти иҷроияи ҳокимияти давлатии шаҳри Ҳисор иттилоъ дода шуд.
Дар нишасти матбуотӣ иброз гардид, ки дар шаҳри Ҳисор дар соли 2024 асосан дар соҳаи кишоварзӣ беш аз 3100 ҷой, сохтмон- зиёда аз 1300 ҷой, савдо ва хизматрасонӣ- қариб 500 ҷой, саноат- беш аз 300 ва дар дигар соҳаҳо қариб 200 ҷойи нави кор ташкил шудааст. Ин нисбат ба ҳамин давраи соли 2023 зиёд аст, зеро дар соҳаи сохтмон беш аз 500 ҷой ва кишоварзӣ қариб 1300 ҷойи нави кор афзоиш ёфтааст.
«Бо ҷойи нави кор таъмин намудани аҳолӣ яке аз самтҳои афзалиятноки сиёсати иҷтимоии Ҳукумати Ҷумҳурии Тоҷикистон, хосса Президенти Ҷумҳурии Тоҷикистон муҳтарам Эмомалӣ Раҳмон мебошад. Дар ин самт роҳбарият ва масъулини мақомоти иҷроияи ҳокимияти давлатии шаҳри Ҳисор бо мақсади фароҳам овардани ҷойи нави кор бо истифода аз имконияти мавҷуда тадбирҳои мушаххас меандешанд», -баён гардид дар нишаст.
Иттилоъ дода шуд, ки бо мақсади таъсиси ҷойи нави кор, баланд бардоштани сатҳи некуаҳволии мардум ва таъмини бекорон бо корҳои доимию мавсимӣ бо ибтикори Раёсати Агентии меҳнат ва шуғли аҳолӣ дар шаҳри Ҳисор пайваста ярмаркаи ҷойи кори холӣ ва вазифаҳои озод баргузор мешавад.
Аз ҷумла, чанде пеш дар маркази шаҳр ярмаркаи ҷойи кори холӣ ва вазифаҳои озод баргузор гардид. Дар ярмарка 39 муассисаю корхонаҳо иштирок карда, 436 ҷойи кори холӣ ва вазифаҳои озодро пешниҳоди корҷӯён намуданд. Зимни ярмарка ба 12 корҷӯ роҳхат ба ҷойи кор дода шуда, 15 бекор ба касбомӯзӣ фаро гирифта шуд.
Музди миёнаи меҳнат дар сатҳи шаҳри Ҳисор ба 1840 сомонӣ баробар буда, нисбат ба ҳамин давраи соли 2023 400 сомонӣ ё 27,7 фоиз зиёд аст.
Марзия САИДЗОДА,
АМИТ «Ховар»
АКС: АМИТ «Ховар»
Дар Кӯлоб омодагии мудофиаи ҳудудӣ ва захираҳои сафарбарӣ мавриди омӯзиш ва санҷиш қарор гирифт
ТАЪТИЛИ ТОБИСТОНА. Дар Зафаробод 1530 нафар хонанда ба истироҳат фаро гирифта мешавад
Имрӯз дар водиҳои Тоҷикистон ҳаво то 40 дараҷа гарм мешавад
Абдусалом Назаров дар боғаш 12 навъи зардолу парвариш менамояд
Дар доираи татбиқи «Барномаи рушди иқтисодию иҷтимоии ноҳияи Рашт барои солҳои 2021-2025» 256 иншоот сохта мешавад
Имрӯз дар шаҳри Душанбе ҳаво то 37 дараҷа гарм мешавад
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
