Кишоварзони ноҳияи Мастчоҳ ба маблағи зиёда аз 1 миллиарду 600 миллион сомонӣ маҳсулот истеҳсол намуданд

ДУШАНБЕ, 04.02.2025 /АМИТ «Ховар»/. Соли 2024 дар ноҳияи Мастчоҳ ҳаҷми истеҳсоли маҳсулоти кишоварзӣ ба 1 миллиарду 629,1 миллион сомонӣ расид, ки ин нишондиҳанда нисбат ба соли 2023 271,5 миллион сомонӣ зиёд буда, 120 фоизро ташкил медиҳад. Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Мастчоҳ иттилоъ медиҳад, дар ин хусус зимни нишасти матбуотӣ раиси ноҳия Аъзам Ализода иттилоъ дод.

Дар ин давра дар ҳама шаклҳои хоҷагидорӣ дар 26 ҳазору 993 гектар кишти зироати кишоварзӣ анҷом дода шуд, ки нисбат ба соли 2023 496 гектар зиёд мебошад.

Дар 12 084 ҳазор гектар чигит кишт шуда, иҷрои дурнамо 97,1 фоиз таъмин гардид. Истеҳсоли он соли 2024 ба 16 290 ҳазор тонна расонида шуд, ки нисбат ба соли 2023 5032 тонна кам мебошад.

Аз кишти анҷомдода ғалладонагӣ ва лӯбиёгиҳо 2812 гектар, зироати техникӣ 13 881,3 гектар, аз он пахта 12 084 гектар, картошка 65,3 гектар, сабзавот 204,3 гектар, полезӣ 2389,7 гектар ва зироати хӯроки чорво 4074,9 гектарро ташкил медиҳад.

АКС: Мақомоти иҷроияи ҳокимияти давлатии ноҳияи Мастчоҳ