НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд
ДУШАНБЕ, 08.02.2025 /АМИТ «Ховар»/. Соли 2024 23 нафар донишҷӯёни Консерваторияи миллии Тоҷикистон ба номи Талабхӯҷа Сатторов дар Озмуни ҷумҳуриявии «Тоҷикистон – Ватани азизи ман» иштирок намуда, дар даври ҷамъбастии он 14 нафар ҷойҳои намоёнро сазовор гардиданд. 1 нафар соҳиби Шоҳҷоиза, 3 нафар ҷои якум, 6 нафар ҷои дуюм ва 4 нафар ҷои сеюмро сазовор гаштанд. Дар ин хусус имрӯз, 8 феврал зимни нишасти матбуотӣ ректори Консерватория миллии Тоҷикистон Миралӣ Достизода иттилоъ дод.
«Дар консерватория баргузории консертҳои синфӣ яке аз самти асосии раванди таълим ба ҳисоб рафта, дар арафаи ҷашни 33-солгии Истиқлоли давлатӣ беш аз 35 нафар омӯзгорон консертҳои синфии худро бо иштироки васеи тамошобинон баргузор намуданд»,-гуфт ректори консерватория.
Иброз гардид, ки соли 2024 омӯзгорону донишҷӯёни консерватория ба хориҷи ҷумҳурӣ 12 сафари ҳунариву эҷодӣ намуданд. Аз ҷумла, онҳо дар Озмуни байналмилалии арғунуннавозон ба номи А. Ф. Гедике дар шаҳри Москваи Федератсияи Русия, дар 14-умин онлайн-озмуни байналмилалии мусиқии «CA Grazioso», ки дар Ҷумҳурии Туркия баргузор гардид, иштирок намуда, соҳиби ҷойи аввал гардиданд.
Ҳамчунин дар соли 2024 профессорону омӯзгорони консерватория дар конференсия ва симпозиумҳои ҷумҳуриявию байналмилалӣ вобаста ба масъалаҳои мусиқии анъанавӣ ва таҳсилоти этникӣ-бадеӣ иштирок намуда, санъати мусиқии тоҷикро дар Ҷумҳурии Озорбойҷон ва Узбекистон муарррифӣ карданд.
АКС: АМИТ «Ховар»
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
Дар Эрон Фестивали байналмилалии «Фаҷр» баргузор гардид
Пагоҳ маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
Сокинони шаҳри Бӯстон соҳиби туҳфаи арзандаи Пешвои миллат — «Шоҳнома»-и Ҳаким Фирдавсӣ мегарданд
Раиси Маҷлиси Бузурги Миллии Туркия дар Осорхонаи миллии Тоҷикистон бо таъриху фарҳанги миллати тоҷик шинос шуд
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин ифтитоҳ шуданд
