Соли 2024 аз ҷониби мақомоти корҳои дохилии Тоҷикистон 67 ҷинояти муташаккил ошкор гардид
ДУШАНБЕ, 14.02.2025. /АМИТ «Ховар»/. Соли 2024 аз ҷониби мақомоти корҳои дохилӣ 14 гурӯҳи муташаккили ҷиноятӣ дар ҳайати 90 нафар барои содир намудани 67 ҷиноят ошкор гардид. Дар ин хусус 13 феврал зимни нишасти матбуотӣ Вазири корҳои дохилии Ҷумҳурии Тоҷикистон Рамазон Раҳимзода ба хабарнигорон иттилоъ дод.
«Мубориза бар зидди гурӯҳҳои муташаккили ҷиноятӣ, террористию экстремистӣ, гардиши маводи ғайриқонунии воситаҳои нашъадор, силоҳ, ҷиноятҳои дорои хусусияти коррупсионӣ ва таъмини тартибот яке аз самтҳои афзалиятноки мақомоти Вазорати корҳои дохилӣ ба шумор мераванд»,-иброз дошт Рамазон Раҳимзода.
Аз ин рӯ дар давраи ҳисоботӣ 343 силоҳи оташфишон мусодира карда шуд, ки нисбат ба соли 2023 27 адад зиёд аст.
«Зимни гузаронидани чорабиниҳои фаврӣ-ҷустуҷӯӣ аз тарафи ҷузъу томҳои мақомот дар ҷумҳурӣ 2 тоннаю 780 килограмму 422 грамм мавод, аз ҷумла 45 грамм кокаин, 344 грамм героин, 87 килограмму 194 грамм афюн, 2 тоннаю 583 килограмму 168 грамм ҳашиш ва 39 килограмму 901 грамм бангдона мусодира гардид»,-иттилоъ дода шуд дар нишасти матбуотӣ.
Ҳамчунин гуфта шуд, ки дар маҷмуъ аз ҷониби мақомоти корҳои дохилӣ 11 ҳазору 59 ҷиноят сабт шуда, ошкоршавии ин ҷиноятҳо 84,7 фоизро ташкил дод.
Дар давраи ҳисоботӣ дар натиҷаи гузаронидани чорабиниҳои фаврӣ-ҷустуҷӯии мақомоти корҳои дохилӣ 1751 ҷинояти дорои хусусияти террористию экстремистӣ сабт шуда, бо роҳҳои амалӣ намудани чорабиниҳои фаврӣ-ҷустуҷӯӣ 365 аъзою тарафдорони ин ҳаракату равияҳо дастгир гардиданд.
«Яке аз сабабҳои ҳамроҳшавии ҷавонон ба гурӯҳҳои террористию экстремистӣ- ин дур кардани наврасону ҷавонон аз дарсу мактаб ва дар мафкураю зеҳни онҳо ҷой кардани ақидаҳои тундрави ифротгароӣ мебошад»,-иброз дошт Рамазон Раҳимзода.
Соли 2024 337 муҳассил аз хориҷа баргардонида шуда, то имрӯз 1139 нафари дигар боқӣ мондааст.
Моҳинави НАВРӮЗ,
АМИТ «Ховар»
АКС: АМИТ «Ховар»
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
Нисбат ба беш аз 1300 волидайн барои бемасъулиятӣ дар тарбияи фарзанд санади маъмурӣ тартиб дода шуд
