«ЗАНОН-ДАР МЕҲВАРИ ПАЁМ». Дар вилояти Хатлон беш аз 19 ҳазор занон роҳбари хоҷагиҳои деҳқонӣ мебошанд
ДУШАНБЕ, 05.02.2025 /АМИТ «Ховар»/. Дар вилояти Хатлон беш аз 19 ҳазор занон роҳбарии хоҷагиҳои деҳқониро ба уҳда дошта, бо меҳнати содиқона дар пешрафти соҳаи кишоварзии мамлакат саҳм мегузоранд. Ин матлаб 4 феврал зимни ҳамоиши ҷумҳуриявии «Занон — дар меҳвари Паём», ки дар ноҳияи Ҷалолиддини Балхӣ доир шуд, иброз гардид. Дар ин хусус ба АМИТ «Ховар» аз Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд.
Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода дар мавриди ба таҳсил фаро гирифтани духтарон аз нуктаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2024 ёдовар шуда, иброз дошт, ки дар 28 соли охир 11 ҳазору 600 нафар духтарон муассисаҳои таҳсилоти олиро тибқи квотаи президентӣ хатм карданд. Инчунин беш аз 35 ҳазор занону духтарон муассисаҳои таҳсилоти олии давлатҳои хориҷиро хатм карда, соҳибмаълумот шуданд. Ҳоло аз 214 ҳазор донишҷӯёни муассисаҳои таҳсилоти олии касбии мамлакат 90 ҳазори онро духтарон ташкил медиҳанд, ки боиси ифтихор аст.
Баланд бардоштани сатҳи маърифати занон, ҷалби бештари онҳо ба бахшҳои иқтисодӣ ва иҷтимоӣ, инчунин мусоидат ба рушди соҳибкории занон аз роҳҳои муҳими саҳмгузории онҳо дар пешрафти ҷомеа мебошад.
Иброз гардид, ки давоми се даҳсолаи Истиқлолияти давлатӣ дастовардҳои занони мамлакат, бахусус занони вилояти Хатлон назаррас мебошад. Иштироки онҳо дар ҳамоишҳои сатҳи ҷумҳуриявӣ ва байналмилалӣ, хусусан дар самти эҳёи ҳунарҳои мардумӣ далели ин гуфтаҳо мебошад.
Баргузории чунин ҳамоишҳо нишони он аст, ки занон неруи бузурги пешбарандаи ҷомеа буда, бо истифода аз имконоти фароҳамовардаи давлат метавонанд дар рушди ҳамаҷонибаи мамлакат саҳми муассир гузоранд.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
