Дар Саридораи геология ҷашни Наврӯзи оламафрӯз бо риояи расму оинҳои миллӣ баргузор гардид
ДУШАНБЕ, 21.03.2025. /АМИТ «Ховар»/. 20 март дар Саридораи геологияи назди Ҳукумати Ҷумҳурии Тоҷикистон Ҷашни байналмилалии Наврӯз бошукуҳ таҷлил карда шуд. Дар ин хусус ба АМИТ «Ховар» аз ин саридора хабар доданд.
Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода иброз дошт, ки Наврӯз дар фарҳанги тоҷикон рӯзи нав, оғози зиндагии нав, рӯзи шодӣ, бахшоиши гуноҳҳои якдигар ва рӯзи оштӣ аст. Дар ин рӯзи пур аз нуру сафо табиату таърих ва инсон ҷони тоза меёбанд. Дар фарҳанги тоҷикон Наврӯз на танҳо ҷашни одӣ, балки маросими пур аз маъно ва рамзҳо мебошад.
Иброз шуд, ки таҷлили бошукуҳи Наврӯз дар саросари мамлакат намунаи баланди ахлоқӣ, ваҳдати миллӣ ва ватандӯстиро нишон медиҳад. Аз ин рӯ дар замони ҷаҳонишавӣ насли наврас ва ҷавонро зарур аст, ки барои эҳё ва ҳифзи ин ҷашни ниёгонамон саъю талош намояд.
«Баъди ба даст овардани Истиқлолияти давлатӣ Ҳукумати Ҷумҳурии Тоҷикистон ба таъриху фарҳанг ва ҷашну маросими мардумӣ диққати ҷиддӣ дода, барои эҳёи арзишҳои миллӣ талош намуд. Дар қатори ҷашнҳои миллию мардумӣ таҷлили ҷашни Наврӯз дар байни мардуми тоҷик ва тоҷикистониён мақоми хосса пайдо кард. Наврӯз хусусияти деринаашро бо пазироии руҳияи замони нав созгор намуд ва имрӯз он мавриди эътирофи ҷаҳониён қарор гирифтааст. Насли ҷавони даврони нав аз ин падидаҳои умедбахш орзую умедҳои зиёд доранд, зеро зинда ва ҷовидон мондани анъанаи ниёгон бақои ҳастии миллатро нишон медиҳад. Ин ҷашни куҳану ҳамешаҷавон барои мардуми тоҷик бигзор тинҷию осоиштагӣ, хуррамию некрӯзӣ, сулҳу амният ва неъматҳои фаровон ато намояд»,-иброз гардид дар ҳамоиши наврӯзӣ дар Саридораи геология.
Таъкид гардид, ки як бахши ҷашни Наврӯзро бозиҳои варзишии суннатӣ ташкил медиҳанд. Дар айёми Наврӯз мусобиқаҳои гуногун, аз ҷумла гӯштингирӣ, бандкашӣ, аспдавонӣ ва ғайра баргузор мегарданд.
Дар ин замина аз рӯи намудҳои шоҳмот, шашка ва бандкашӣ байни корхонаҳои зерсохтори Саридора мусобиқа доир карда шуд.
Дар ин мусобиқаҳо ҷавонон-иштирокдорон маҳорати баланд нишон дода, бори дигар исбот намуданд, ки Наврӯз ҷашни ваҳдату ягонагӣ аст.
Ғолибон бо туҳфаҳои хотиравӣ сарфароз гардонида шуданд.
АКС: Саридораи геологияи назди Ҳукумати Ҷумҳурии Тоҷикистон
Дар ноҳияи Мир Саид Алии Ҳамадонӣ ҷашни Наврӯз бошукуҳ таҷлил карда шуд
Таҷлили Иди Наврӯз дар Вазорати адлияи Ҷумҳурии Тоҷикистон
«Тоҷикистон Ватани Наврӯз аст…». Наврӯз дар давраи соҳибистиқлолии Тоҷикистон шукуҳу таҷаллии тоза пайдо намуд
Дар вилояти Хатлон ҷашни Наврӯз бошукуҳ таҷлил гардид
Наврӯзи байналмилалӣ дар Вазорати рушди иқтисод ва савдо таҷлил гардид
Иди Наврӯзро дар дараи Яғноб чӣ гуна ҷашн мегиранд?
Идомаи воридшавии барқияҳои табрикии наврӯзӣ ба унвони Президенти Ҷумҳурии Тоҷикистон
Ҷашни Наврӯз дар Вазорати саноат ва технологияҳои нав бо намоиши дастовардҳои истеҳсолӣ, ихтироот ва инноватсия таҷлил шуд
Таҷлили Ҷашни байналмилалии Наврӯз дар қароргоҳи Созмони Милали Муттаҳид
Дар қароргоҳи ЮНЕСКО бо ташаббуси намояндагиҳои доимии Тоҷикистон ва дигар давлатҳои аъзо маҳфили идона доир шуд
Дар Муассисаи давлатии «Боғи Ирам»-и шаҳри Душанбе Фестивали «Бозиҳои варзишии наврӯзӣ» баргузор мегардад
Имрӯз дар асоси Фармони Президенти Тоҷикистон боз 697 нафар маҳбусон аз муассисаҳои ислоҳии ҷумҳурӣ озод карда шуданд
