Ҷавонони шаҳри Роғун сарбаландона ба сафи Қувваҳои Мусаллаҳи Тоҷикистон пайвастанд
РОҒУН, 03.04.2025 /АМИТ «Ховар»/. Дар шаҳри Роғун Рӯзи даъватшаванда доир гардид, ки дар он масъулини мақомоти иҷроияи ҳокимияти давлатӣ, роҳбарони мақомоти ҳифзи ҳуқуқи шаҳр, кормандони масъули Вазорати мудофиаи ҷумҳурӣ ва волидайни даъватшудагон иштирок намуданд. Зимни ҳамоиш ҷавононро бо дуои неки модарон ба сафи Қувваҳои Мусаллаҳи Ҷумҳурии Тоҷикистон гусел намуданд. Дар ин хусус ба мухбири АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии шаҳри Роғун хабар доданд.
Дар ҳамоиши тантанавӣ ба ҷавононе, ки бо амри дил ба адои қарзи фарзандӣ дар назди давлату миллат ва ҳифзи марзу буми меҳан азм намудаанд, миннатдорӣ баён гардида, аз тарафи Раиси шаҳри Роғун туҳфаҳои хотиравӣ тақдим карда шуд.
Дар ҷамъомад гуфта шуд, ки хизмат ба Ватан-Модар қарзи фарзандии ҳар ҷавонмард мебошад. Ҳукумати мамлакат барои фароҳам овардани шароити созгор барои сарбозону афсарон пайваста тадбирҳои мақсаднок меандешад ва барои онҳо беҳтарин шароити хизматбариро муҳайё намудааст. Ин аст, ки ҷавонони шаҳри Роғун ташаббуси волои ватандӯстию меҳанпарастӣ нишон дода, имрӯзҳо ба таври ихтиёрӣ ва сарбаландона барои ҳимояи Ватан-Модар ба хизмати ҳарбӣ мераванд.
Волидайни даъватшудагон иброз доштанд, ки «мо имрӯз дар назди Ватан масъулият ҳис намуда, ҷавонписаронамонро барои ҳифзи марзу буми давлат ба сафи Артиши миллӣ равона намудем. Чунки бо саъю талошҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон барои фаъолияти рӯзмарраи хизматчиён дар қисмҳои ҳарбӣ шароити зарурии моддию маишӣ муҳайё карда шуда, дар кулли воҳидҳои низомӣ имрӯз афсарони касбии ботаҷриба барои баланд бардоштани малакаи ҳарбиву ҷисмонии ҷавонон, тарбияи онҳо дар руҳияи ватандӯстӣ ва садоқат ба марзу бум фаъолияти босамар менамоянд».
Дар ҳамоиш ба зиёда аз 20 нафар ҷавононе, ки даври омӯзиши ронандагии Ташкилоти ҷамъиятии «Мададгори мудофиа» – ро хатм намудаанд, шаҳодатномаи ронандагӣ супорида шуд.
Ҳунармандони бахши фарҳанги шаҳри Роғун барномаи рангини консертиро пешкаши ҳозирин гардониданд.
АКС: Мақомоти иҷроияи ҳокимияти давлатии шаҳри Роғун
Дар Вазорати корҳои дохилӣ бахшида ба 34-солагии Истиқлоли давлатӣ ҳамоиши идона доир гардид
Беш аз 300 таълимгирандаи Донишкадаи ҳарбӣ савганди садоқат ба Ватан ёд намуд
Дар Тоҷикистон назорат барои таваққуфи нодуруст дар ҷойҳои манъшуда пурқувват карда шуд
Дар Душанбе Маркази зиддимухаддиротии Созмони ҳамкории Шанхай таъсис меёбад
Дар Душанбе Маркази тамоси электронӣ оид ба қабули муроҷиатҳо ташкил карда шуд
АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
