Дар Донишгоҳи техникии Тоҷикистон масъалаи омоданамоии муҳандисони самти роҳсозӣ баррасӣ гардид
ДУШАНБЕ, 22.04.2025 /АМИТ «Ховар»/. Омодасозии асосноккунии техникӣ — иқтисодии лоиҳаи иншооти «Сохтмони хати нави роҳи оҳани Ҷалолиддини Балхӣ — Ҷайҳун — Панҷи Поён» дар вохӯрии роҳбарияти Донишгоҳи техникии Тоҷикистон ба номи академик Муҳаммад Осимӣ бо намояндагони Институти таҳқиқотии роҳи оҳани Корея баррасӣ гардид.
Тавре ба АМИТ «Ховар» аз Донишгоҳи техникӣ хабар доданд, масъалаҳои марбут ба омода намудани муҳандисони самти роҳсозӣ дар ҷумҳурӣ, такмили барномаҳои таълимии сохтмони роҳҳо дар донишгоҳ, баҳисобгирии тағйирёбии иқлим ҳангоми лоиҳакашии роҳ, кам намудани ҳаҷми газҳои ихроҷшаванда ба атмосфера ҳангоми роҳсозӣ, стандартҳои сохтмону таҷдиди роҳҳо, маводи сохтмонӣ, такмили дараҷаи касбии устодон, табодули академии омӯзгорон ва донишҷӯён ва амсоли инҳо ба таври муфассал мавриди муҳокима қарор гирифтанд.
Ҷонибҳо баргузор намудани машварати омӯзиширо барои омӯзгорону донишҷӯён вобаста ба мавзуъҳои дахлдори самти роҳи оҳан бо ҷалби мутахассисони байналмилалӣ ва истифодаи таҷрибаи пешқадам давоми моҳи июн — октябри соли равон дар донишгоҳ баррасӣ намуда, барои мулоқоти судманд ва пешниҳоди мушаххас изҳори қаноатмандӣ намуданд.
Хатмкунандагони факултети нақлиёт ва инфрасохтори роҳи Донишгоҳи техникии Тоҷикистон дар рушду ободонии ҷумҳурӣ дар самти сохтмони роҳҳои ба талаботи байналмилалӣ ҷавобгӯ нақши сазовор гузошта, барои ба ҷумҳурии транзитӣ табдил додани Ҷумҳурии Тоҷикистон пайваста таҷрибаи ҷаҳониро амалӣ менамоянд.
АКС: Донишгоҳи техникии Тоҷикистон ба номи академик Муҳаммад Осимӣ
Дар Душанбе вобаста ба нақши такмили ихтисоси омӯзгорон Форуми байналмилалӣ баргузор гардид
Муовини Сарвазир бо вазъи муассисаҳои таҳсилоти ибтидоӣ ва миёнаи умумии ноҳияи Рашт шинос гардид
Сулаймон Зиёзода бо ҷараёни сохтмони синфхонаҳои иловагӣ дар ноҳияи Рашт шинос гардид
Малайзия барои таҳсили шаҳрвандони Тоҷикистон дар зинаи магистратура бурсия ҷудо намуд
Дар Донишкадаи кӯҳию металлургӣ Озмоишгоҳҳои технологияи металлҳои қиматбаҳо кушода шуд
Ҳайати Тоҷикистон дар ҷаласаи дуюми вазирони илм, технология ва инноватсия дар Чин иштирок дорад
Дар Донишгоҳи давлатии Кӯлоб таваҷҷуҳ ба таҳияи корҳои илмӣ меафзояд
ТАЪТИЛИ ТОБИСТОНА. Аз 12 июн то 4 август кӯдакону наврасони пойтахт ба истироҳатгоҳҳои тобистона фаро гирифта мешаванд
Пагоҳ даври дуюми бақайдгирии довталабон барои иштирок дар Имтиҳонҳои марказонидаи дохилшавӣ оғоз мегардад
Барои омода намудани кӯдак ба синфи якум чӣ бояд кард?
34 нафар аз Донишгоҳи техникии Тоҷикистон ба даври сеюми Озмуни ҷумҳуриявии «Илм фурӯғи маърифат» роҳхат гирифтанд
1 июл даври асосии Имтиҳонҳои марказонидаи дохилшавӣ оғоз мегардад
