Дар Москва ба муносибати 25-солагии таъсиси Ташкилоти заминавии кор бо забонҳо ва фарҳангҳои кишварҳои ИДМ чорабинӣ баргузор гардид
ДУШАНБЕ, 04.04.2025. /АМИТ «Ховар»/. 3 апрел дар Донишгоҳи давлатии забоншиносии Москва ба муносибати 25-солагии таъсисёбии Ташкилоти заминавии кор бо забонҳо ва фарҳангҳои кишварҳои иштирокдори Иттиҳоди Давлатҳои Мустақил чорабинӣ баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Федератсияи Русия хабар доданд.
Дар чорабинӣ намояндагони мақомоти дахлдори Русия, доираҳои илмиву эҷодӣ, аз ҷумла нависандагон, олимону муҳаққиқон, омӯзгорони муассисаҳои олии кишварҳои иштирокдори Иттиҳоди Давлатҳои Мустақил, инчунин намояндагони корпуси муқими дипломатӣ, диаспораҳои кишварҳои Осиёи Марказӣ иштирок ва суханронӣ намуданд.
Ректори Донишгоҳи давлатии забоншиносии Москва Ирина Краева бо ифтихор дар бораи Маркази забони тоҷикӣ ва фарҳанг, ки дар Донишгоҳ аз соли 2013 фаъолият дорад, сухан гуфт.
Ӯ муҳимияти омӯзиши забон ва фарҳанги давлатҳои дӯст ва бародарро, ки шарикии стратегӣ доранд, зикр намуд.
Дар қисмати дигари форум панели мубоҳисавӣ дар мавзуи «Диаспора ва муоширати байнифарҳангиву иртибот миёни наслҳо: мерос ва ояндаи умумӣ» доир шуд.
Баъд аз қисми расмии чорабинӣ донишҷӯёни тоҷик аз донишгоҳҳои шаҳри Москва иштирокдоронро бо фарҳангу санъати волои Ҷумҳурии Тоҷикистон шинос намуданд.
Бояд тазаккур дод, ки баргузории чунин чорабиниҳо метавонад дар таҳкими дӯстӣ ва ҳамкории манфиатбахш байни донишҷӯёни тоҷик ва донишҷӯёни давлатҳои дигари иштирокдори Иттиҳоди Давлатҳои Мустақил мусоидат намояд.
Дар фарҷом аз номи Сафорати Ҷумҳурии Тоҷикистон дар Федератсияи Русия ба директори Маркази забон ва фарҳанги тоҷик Сайёра Ашрапова Сипоснома тақдим карда шуд.
АКС: Сафорати Ҷумҳурии Тоҷикистон дар Федератсияи Русия
«ТОҶИ СОМОН». Дар ин синамоҷашнвораи байналмилалӣ синамогарон аз 20 давлат иштирок менамоянд
НИШАСТИ МАТБУОТӢ. Банаворгирии филми таърихии муштараки «Дурахши ахтарон: Ҷомӣ ва Навоӣ» моҳи август оғоз мегардад
НИШАСТИ МАТБУОТӢ. Кумитаи забон ва истилоҳот зиёда аз 10 ҳазор истилоҳро баррасӣ ва мувофиқа намуд
Байни осорхонаҳои миллии Тоҷикистон ва Муғулистон Ёддошти тафоҳуми ҳамкорӣ ба имзо расид
Маросими ифтитоҳи Рӯзҳои фарҳанги Муғулистон дар Тоҷикистон баргузор шуд
Президенти Муғулистон Ухнаагийн Хурэлсух дар Осорхонаи миллии Тоҷикистон бо таърихи миллати тоҷик шинос шуд
Аз ҳудуди Хуттали Қадим теъдоди зиёди мероси нумезматикии мансуб ба давраи Ҳахоманишиҳою Сосониён дарёфт гардид
НИШАСТИ МАТБУОТӢ. Дар Тоҷикистон 10 ёдгории таърихию фарҳангӣ бозёфт гардид
НИШАСТИ МАТБУОТӢ. Дар телевизионҳои Чин 6 филми мустанади Тоҷикистон намоиш дода мешавад
НИШАСТИ МАТБУОТӢ. Вазорати фарҳанг 5 номинатсияи навро барои дохилнамоӣ ба Феҳристи мероси ҷаҳонии ЮНЕСКО пешниҳод намудааст
Имрӯз дар Вазорати фарҳанг, Кумитаи телевизион ва радио, Агентии хизмати давлатӣ, Агентии ҳифзи мероси таърихию фарҳангӣ ва Академияи идоракунии давлатӣ нишасти матбуотӣ баргузор мешавад
То замони муосир барои шарҳи «Шоҳнома»-и Фирдавсӣ бештар аз 10 фарҳанг ба қалам омадааст
