Дар ноҳияи Ҷаббор Расулов кишти пунбадона оғоз гардид

ДУШАНБЕ, 10.04.2025. /АМИТ «Ховар»/. Дар хоҷагиҳои деҳқонии ноҳияи Ҷаббор Расулов кишти пунбадона оғоз гардид.

Тавре аз хадамоти матбуоти Раиси вилояти Суғд иттилоъ доданд,  хоҷагии деҳқонии «Муъминбобо»-и ноҳия  дорои 33 гектар замини корам буда, аз он 23 гектар барои кишти пунбадона ҷудо шудааст.

Пахтакорӣ на танҳо ба таъмини соҳаи саноати мамлакат бо ашёи хом мусоидат менамояд, балки дар таъмини аҳолӣ бо ҷойи кор ва истеҳсоли маҳсулоти тайёр нақши калидӣ мебозад.

Дар ноҳияи Ҷаббор Расулов ҳамчунин гармхонаи Ҷамъияти дорои масъулияти маҳдуди «Хайри сафо» мавҷуд аст.

Масоҳати он 1,95 гектар буда, дар он навъҳои гуногуни зироати кишоварзӣ парвариш меёбанд. Имсол барои таъмини фаровонии бозори дохилӣ бо маҳсулоти кишоварзӣ майдони гармхона самаранок истифода гардидааст.

АКС: Хадамоти матбуоти Раиси вилояти Суғд