Гармхонаҳои ширкати «Моғиён- агро»-и шаҳри Панҷакент бозорро бо сабзавоти тоза таъмин менамоянд

ДУШАНБЕ, 04.04.2025 /АМИТ «Ховар»/. Аз гармхонаҳои замонавии ширкати «Моғиён-агро», ки соли 2024 дар якуним гектар дар мавзеи Қаволаи шаҳри Панҷакент ва Ҷамоати деҳоти Моғиён ба истифода дода шуданд, то ин муддат беш аз 35 тонна маҳсулот ба бозор бароварда шудааст.

Тавре АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад, ҳоло ҷамъоварии помидор ва қулфинай идома дорад. Аз оғози фаъолият беш аз 15 тонна бодиринг, 17 тонна помидор, 3 тонна қаланфури булғорию гулкарам ва намудҳои гуногуни кабудиҳо ба бозори шаҳр ва берун аз он бароварда шудаанд.

Ҳоло дар гармхонаҳо ниҳолҳои бодирингу қаламфури булғорӣ гул карда, баъди чанд муддат ҷамъоварии ҳосили онҳо низ шуруъ мешавад.

Дар гармхонаҳо равшанӣ, обу ғизодиҳӣ ва иқлим ба таври худкор буда, парвариш ва истеҳсоли сабзавот тамоми фасли сол идома меёбад.

АКС: Мақомоти иҷроияи ҳокимияти давлатии шаҳри Панҷакент