Кишоварзони ноҳияи Абдураҳмони Ҷомӣ дар беш аз 8 ҳазор гектар пунбадона кишт менамоянд

ДУШАНБЕ, 06.04.2025. /АМИТ «Ховар»/. Кишоварзони ноҳияи Абдураҳмони Ҷомӣ имсол дар 8 ҳазору 100 гектар пунбадона кишт менамоянд, ки аз он 2 ҳазор гектарро кишти зери плёнка ташкил медиҳад.

Тавре аз хадамоти матбуоти Раиси вилояти Хатлон ба АМИТ «Ховар» иттилоъ доданд, дар хоҷагии деҳқонии Дубедаи ноҳияи Абдураҳмони Ҷомӣ кишти пунбадонаи зери плёнка оғоз гардид.

Хоҷагии деҳқонӣ дорои  32 гектар замин буда, имсол дар 20 гектари он кишти пунбадона ба тарзи маъмулӣ ва дар 15 гектар зери плёнка гузаронида мешавад.

Ёдовар мешавем, ки имсол дар вилояти Хатлон дар 124,5 ҳазор гектар пунбадона кишт карда мешавад, ки 41 ҳазор гектари онро усули нави зери плёнка ташкил медиҳад.

АКС: Хадамоти матбуоти Раиси вилояти Хатлон