Коррупсия ба рушди иқтисодии давлат таъсири манфӣ мерасонад
ДУШАНБЕ, 25.04.2025 /АМИТ «Ховар»/. Ҳукумати Ҷумҳурии Тоҷикистон пайваста барои коҳиш додани сатҳи коррупсия ва таҳкими шаффофият дар тамоми соҳаҳои иқтисоди миллӣ тадбирҳои муассир меандешад. Ин нукта дар вохӯрии ҳайати шахсии Хадамоти гумруки назди Ҳукумати Ҷумҳурии Тоҷикистон бо намояндаи масъули Агентии назорати давлатии молиявӣ ва мубориза бо коррупсияи Ҷумҳурии Тоҷикистон, ки дар Хадамоти гумрук баргузор гардид, таъкид шуд.
Таҳлили хавфҳои коррупсионӣ, роҳ надодан ба амалҳои фасодкорона, пешгирии омилҳои марбут ба он ва ташвиқи донишҳои ҳуқуқӣ оид ба оқибатҳои манфии коррупсия ҳадафҳои асосии вохӯрӣ буданд.
Такъид гардид, ки бо мақсади татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» Нақшаи чорабиниҳои дохилиидоравии зиддикоррупсионӣ таҳия гардида, дар ин самт тадбирҳои амалӣ андешида шудаанд.
Дар вохӯрӣ гуфта шуд, ки бо роҳнамоии Пешвои миллат муҳтарам Эмомалӣ Раҳмон Тоҷикистон дар самти муқовимат ба коррупсия заминаҳои ҳуқуқӣ ва ташкилии зарурӣ фароҳам овардааст. Ба андешаи намояндаи масъули мақомоти зиддикоррупсионии ҷумҳурӣ, мубориза бо коррупсия танҳо бо талоши як ниҳод муяссар намешавад, балки он аз сатҳи баланди маърифати ҳуқуқии шаҳрвандон, ҳамоҳангии байни сохторҳо ва иштироки фаъолонаи ҷомеа вобаста аст.
Дар хотима таъкид гардид, ки дар доираи татбиқи «Нақшаи чорабиниҳо оид ба амалисозии барномаи идоравии зиддикоррупсионӣ барои солҳои 2022–2030» чунин вохӯриҳо бо намояндагони Агентӣ мунтазам баргузор мегарданд.
АКС: Хадамоти гумруки назди Ҳукумати Ҷумҳурии Тоҷикистон
Нақшаи амали татбиқи Ёддошти тафоҳум байни вазоратҳои молияи Тоҷикистон ва Қирғизистон оид ба ҳамкорӣ ба мувофиқа расид
Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
Ҳайати Тоҷикистон дар марҳилаи аввали омӯзиши таҷрибаи Қирғизистон дар соҳаи идоракунии молияи давлатӣ иштирок намуд
Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
Дар Бохтар оид ба кам кардани талафоти неруи барқ вохӯрӣ доир гардид
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
