Рӯзҳои охири моҳи апрел дар Тоҷикистон баландшавии ҳарорати ҳаво дар назар аст

ДУШАНБЕ, 23.04.2025. /АМИТ «Ховар»/. Рӯзҳои охири моҳи апрел дар мамлакат ҳавои тағйирёбандаи бебориш пешгӯӣ мешавад. Дар ин рӯзҳо баландшавии ҳарорат дар назар аст. Дар ин хусус ба АМИТ «Ховар» аз Агентии обуҳавошиносии мамлакат иттилоъ доданд.

Ба иттилои манбаъ, ҳавои моҳи  апрели имсола ба моҳи апрели соли 2013 шабоҳат дорад. Дар рӯзҳои охири моҳ дар шаҳри Душанбе ва ноҳияҳои тобеи марказ ҳаво тағйирёбандаи бебориш шуда, то 31 дараҷа гарм мешавад.

Дар вилояти Хатлон ҳавои тағйирёбанда пешгӯӣ шуда, ҳарорат то 35 дараҷа гарм мешавад.

Дар вилояти Суғд ҳавои тағйирёбанда дар назар буда, дар рӯзҳои охири моҳ ҳаво аз 29 то 30 дараҷа гарм мешавад.

Дар Вилояти Мухтори Кӯҳистони Бадахшон ҳаво тағйирёбанда шуда, дар шарқи вилоят то 5 дараҷа гармӣ ва дар ғарби вилоят то 15 дараҷа гармӣ пешгӯӣ карда мешавад.

АКС: Dushanbe Travel