Таҳкими ҳамкории Тоҷикистон бо Британияи Кабир дар самти ҷалби сармоя баррасӣ карда шуд
ДУШАНБЕ, 30.04.2025 /АМИТ «Ховар»/. Дар мулоқоти Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо Сафири Британияи Кабир дар Ҷумҳурии Тоҷикистон хонум Кэтрин Смиттон тавсеаи ҳамкории Тоҷикистон бо Британияи Кабир дар соҳаи ҷалби сармоя баррасӣ гардид, иттилоъ медиҳад АМИТ «Ховар» бо истинод ба ин кумита.
Дар мулоқот ҷонибҳо дар самти густариши ҳамкорӣ дар бахшҳои стратегии калидӣ мубодилаи афкори созанда анҷом доданд. Махсусан рушди устувор нисбат ба тағйирёбии иқлим, манбаъҳои барқароршавандаи энергия- энергияи “сабз” ва гидроэнергетика ва имконоти васеи сармоягузорӣ дар Тоҷикистон таъкид карда шуд.
Тоҷикистон дорои захираҳои бузурги истифоданашудаи энергияи тозаи обӣ дар минтақаи Осиёи Марказӣ мебошад. Ҳамзамон масъалаҳои ҳамкории муштарак дар самти устувории экологӣ ва гузариш ба иқтисоди “сабз”, ки ба ҳадафҳои дарозмуддати рушди ҳар ду давлат мувофиқат менамоянд, баррасӣ шуданд.
Сафири Британияи Кабир дар Ҷумҳурии Тоҷикистон таваҷҷуҳи кишварашро ба татбиқи лоиҳаҳои муштарак, ки ба афзалияти ҷаҳонии мубориза бо тағйирёбии иқлим ва рушди иқтисоди устувор мутобиқ мебошанд, изҳор намуд.
Ҷонибҳо бобати ташаккули муҳити сармоягузории шаффоф ва барои ҳарду ҷониб муфид изҳори омодагӣ намуданд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Имсол кишоварзони ноҳияи Восеъ ҳосили фаровон ба даст оварданд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» баргузор мешавад
БАДАХШОН — ДАРВОЗАИ ТИЛЛОИИ ТОҶИКИСТОН. Дар ин минтақаи кӯҳҳӣ садҳо километр роҳҳои мошингард бунёду навсозӣ гардиданд
Дар 21 гектар замини хоҷагии деҳқонии «Абдуҷаббор»-и ноҳияи Фархор ниҳолҳои пистаи навъи тоҷикӣ парвариш меёбанд
Дар Душанбе таҳкими ҳамкории Тоҷикистон ва Олмон дар соҳаи саноат баррасӣ шуд
Тоҷикистон барои воридоти смартфонҳо ва телефонҳои мобилӣ 20% боҷи гумрукӣ ҷорӣ менамояд
Маҷаллаи бонуфузи фаронсавӣ «The Investor» шумораи махсуси худро ба Тоҷикистон мебахшад
Душанбе мизбони нахустин Форуми байналмилалии нассоҷӣ ва Намоишгоҳи таҷҳизот ва маҳсулоти нассоҷӣ мегардад
Дар Маркази тадқиқоти стратегӣ масъалаи рушди соҳибкорӣ ва бахши хусусиро баррасӣ намуданд
Тоҷикистон ва Созмони ҳамкории иқтисодӣ ва рушд дар бахши инфрасохтори роҳ ҳамкории минтақавиро густариш медиҳанд
ХУШКМЕВАҲОИ ТОҶИКИСТОН. Имсол аз Тоҷикистон беш аз 41 ҳазор тонна меваи хушк содирот шудааст
Дар Остона дуюмин вохӯрии роҳбарони Идораҳои патенти давлатҳои Осиёи Марказӣ ва Чин доир гардид
