Таҳкими дурнамои ҳамкории саноатӣ байни Тоҷикистон ва Эрон дар Теҳрон баррасӣ шуд
ДУШАНБЕ, 30.04.2025 /АМИТ «Ховар»/. Дар доираи Намоишгоҳи ҳафтуми зарфияти содиротии Ҷумҳурии Исломии Эрон –«Iran Expo 2025» Вазири саноат ва технологияҳои нави Ҷумҳурии Тоҷикистон Шералӣ Кабир бо муовини корҳои байналмилалӣ ва ҳамкории минтақавӣ, муовини аввали Президенти Ҷумҳурии Исломии Эрон Алӣ Наҷафии Хушнудӣ мулоқот намуд. Зимни мулоқот масъалаҳои марбут ба густариши робитаҳои дуҷониба ва ҳамкории минтақавӣ баррасӣ шуда, мусоҳибон ба дурнамои ҳамкории саноатӣ таваҷҷуҳи хосса зоҳир намуданд. Дар ин хусус АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон иттилоъ медиҳад.
Ҷониби Тоҷикистон пешниҳод намуд, ки имкони таъсиси парки саноатӣ дар қаламрави Ҷумҳурии Тоҷикистон бо иштироки сармоягузорӣ ва фанновариҳои Эрон баррасӣ шавад.
Дар фарҷоми мулоқот ширкатҳои эронии дорои бахшҳои гуногуни саноат даъват шуданд, ки дар лоиҳаҳои сармоягузории Тоҷикистон, ки ба рушди иқтидори саноатӣ ва таҳкими шарикии иқтисодии ду давлат равона гардидаанд, фаъолона иштирок намоянд.
АКС: Вазорати саноат ва технологияҳои нави Ҷумҳурии Тоҷикистон
«Амонатбонк» ба 143 муштарӣ дар ҳаҷми 8,5 миллион сомонӣ қарзи ипотекӣ пешниҳод намуд
Шумораи субъектҳои хизматрасони соҳаи сайёҳӣ нисбат ба шашмоҳаи якуми соли 2025 коҳиш ёфтааст
Дар Ню-Йорк масъалаҳои тавонмандсозии ҷавонон ва рушди ҳамкории Тоҷикистону Покистон баррасӣ шуданд
«Амонатбонк» ба муштариён хизматрасонии нави қарзии рақамии онлайнӣ пешниҳод намуд
Аз ҷониби намояндагии Тоҷикистон дар СММ чорабинии канорӣ оид ба ҳамкории зеҳни сунъӣ барои рушди устувор доир шуд
Тоҷикистон ва Покистон дар Ню-Йорк чорабинии сатҳи баланд оид ба зеҳни сунъӣ ва рушди устувор баргузор намуданд
Афзалияти рушди устувори Тоҷикистон дар чорабинии сатҳи баланди ECOSOC муаррифӣ гардид
Дороиҳои «Амонатбонк» 13 миллиард сомониро ташкил дода, сармояи бонк ба 1,2 миллиард сомонӣ расидааст
Дар Женева ҷаласаи 68-уми Ассамблеяи давлатҳои аъзои СУМЗ баргузор гардид
Дар Душанбе Форуми байналмилалии саноати хӯрокворӣ баргузор мегардад
Дар Шанхай Форуми иқтисодию тиҷоратии вилояти Суғди Тоҷикистон доир шуд
НИШАСТИ МАТБУОТӢ. Дар марҳилаҳои якум, кассатсионӣ ва назоратии судҳои иқтисодии Тоҷикистон 2018 парванда баррасӣ гардид
