Теъдоди ҳалокшудагони заминларзаи Бангкок ба 20 нафар расид
ДУШАНБЕ, 01.04.2025 /АМИТ «Ховар»/. Теъдоди ҳалокшудагони заминларза дар Бангкок ба 20 нафар расида, 74 нафар бедарак шудаанд. Дар ин хусус аз маълумоти ситодҳои фаврие, ки дар маҳалли фурӯравии бинои Идораи аудитори генералӣ дар ноҳияи Чатучак дар шимоли Бангкок ҷойгир шудаанд, бармеояд, хабар медиҳад АМИТ «Ховар» бо истинод ба ТАСС.
Ҳамаи одамони гумшуда ба сохтмони ин бино машғул буданд. Давоми 24 соати охир наҷотдиҳандагон ҷасади ду нафарро аз зери харобаҳо берун оварданд. Ҳамин тариқ, дар ин иншоот дар маҷмуъ 13 нафар ҳалокшуда эълон гардид.
28 март дар қаламрави Мянма заминларзаи шадид рух дод. Тибқи иттилои Департаменти обуҳавошиносии Тайиланд, шиддати он 7,9 баллро ташкил додааст. Шумораи зарардидагони зилзила дар ҷумҳурӣ аз 2 ҳазор нафар гузашт.
Тайиланд низ аз заминларза зарар дидааст, таконҳои шадид дар Бангкок ва атрофи он, инчунин дар минтақаҳои шимолӣ, шимолу шарқӣ, марказӣ ва ҷанубии салтанат эҳсос шудаанд. Мақомоти Тайиланд ба ин заминларза аз чаҳор дараҷа дараҷаи сеюмро нисбат дода, ҳамзамон онро чун фалокати бузургмиқёс тасниф намуданд.
АКС аз манбаъҳои боз
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
