Тсюй Дунъюй: «Созмони озуқаворӣ ва кишоварзии Созмони Милали Муттаҳид ҳамеша омодаи ҳамкорӣ бо Тоҷикистон аст»
ДУШАНБЕ, 29.04.2025 /АМИТ «Ховар»/. 29 апрел Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Мудири кулли Созмони озуқаворӣ ва кишоварзии Созмони Милали Муттаҳид (FAO) Тсюй Дунъюйро ба ҳузур пазируфтанд.
Тсюй Дунъюй баъди мулоқот бо изҳори хушнудӣ аз сафари корӣ ба Тоҷикистон кишвари моро зебо ва мардуми онро меҳмоннавоз арзёбӣ намуд. Мудири кулли Созмони озуқаворӣ ва кишоварзии СММ иброз дошт, ки бо Сарвари давлати Тоҷикистон муҳтарам Эмомалӣ Раҳмон мулоқоти тӯлонӣ ва судманд анҷом дод. Меҳмон таъкид намуд, ки муҳтарам Эмомалӣ Раҳмонро на танҳо роҳбари барҷастаи Тоҷикистон, балки шахсияти мавриди эҳтироми кишварҳои дигари ҷаҳон низ медонад.
Тсюй Дунъюй таъкид намуд, ки қаблан низ борҳо дар Чин бо Президенти Тоҷикистон муҳтарам Эмомалӣ Раҳмон мулоқот анҷом додааст. Соли гузашта муҳтарам Эмомалӣ Раҳмон аз қароргоҳи марказии Созмони озуқаворӣ ва кишоварзии Созмони Милали Муттаҳид (FAO) боздид анҷом дода буданд.
«Сафари ман ба Тоҷикистон бо мақсади таъкиди дастгирӣ ва садоқат ба ҳамкории дуҷониба доир гардид», — таъкид намуд Тсюй Дунъюй.
Мудири кулли Созмони озуқаворӣ ва кишоварзии Созмони Милали Муттаҳид ҳамчунин аз сатҳи баланди ҳамкорӣ бо Вазорати кишоварзии Тоҷикистон ва дигар сохторҳо изҳори қаноатмандӣ намуд. Ӯ афзуд, ки мулоқот бо Президенти Ҷумҳурии Тоҷикистон аз ҷиҳати муҳлат ва муҳтаво ғайриодӣ ва фарогир буд, зеро муҳтарам Эмомалӣ Раҳмон таҷрибаи бузурги соҳаи кишоварзӣ доранд ва барои мубодилаи афкор дар ин соҳа ҳамеша омода мебошанд.
Дар мулоқот масъалаҳои марбут ба зироаткорӣ, чорводорӣ, боғдорӣ, муҳити зист, моҳипарварӣ, коркарди маҳсулоти хӯрокворӣ, илм ва таҳқиқот, таълим ва дигар самтҳои афзалиятнок мавриди баррасӣ қарор гирифтанд.
Тсюй Дунъюй изҳор дошт, ки Созмони озуқаворӣ ва кишоварзии Созмони Милали Муттаҳид омода аст дар раванди рушди соҳаи кишоварзӣ дар Тоҷикистон саҳми худро гузорад ва афзуд, ки Тоҷикистон дорои захираҳои бойи табиӣ ва гуногунрангии биологию хӯрокворӣ мебошад.
Тсюй Дунъюй инчунин ба ҳамбастагии фарҳангии мардумони Чину Тоҷикистон ва меҳмоннавозии мардуми тоҷик баҳои баланд дод.
Дар анҷом Мудири кулли Созмони озуқаворӣ ва кишоварзии Созмони Милали Муттаҳид гуфт, ки созмони онҳо ҳамеша омода аст дар лаҳзаҳои зарурӣ ба Тоҷикистон кумак расонад.
Дар охир Тсюй Дунъюй таассуроти некашро аз кишвари мо изҳор дошта, шаҳри Душанберо яке аз пойтахтҳои беҳтарини Осиёи Марказӣ арзёбӣ намуд.
АКС: АМИТ «Ховар»
Ҳамкории фарҳангии Тоҷикистон ва Амороти Муттаҳидаи Араб дар самти мусиқии симфонӣ густариш меёбад
Сафири Тоҷикистон бо Президенти Форуми оби Корея мулоқот намуд
Раёсати Ҷумҳурии Тоҷикистон дар ИДМ дар соли 2025 ҷамъбаст гардид
Сафири Тоҷикистон бо раиси минтақаи Ҷаҳрои Давлати Кувайт мулоқот намуд
Дар Душанбе дурнамои рушди ҳамкории судманди Тоҷикистон ва сохторҳои Созмони Милали Муттаҳид баррасӣ гардид
Сафири Тоҷикистон дар Фаронса нусхаи эътимоднома супорид
Ҳамкории Тоҷикистон ва Кувайт дар соҳаҳои синамо ва авиатсия густариш меёбад
Дар Вена муносибатҳои гуногунҷанба ва судманди Тоҷикистон ва Австрия баррасӣ гардиданд
Эрон барои ҳамкории мутақобили судманд бо Тоҷикистон ва вилоятҳои он ибрози омодагӣ намуд
Дар шаҳри Вена ҳамкории Тоҷикистон ва Бунёди ОПЕК баррасӣ гардид
Вазорати корҳои хориҷии Ҷумҳурии Тоҷикистон барои ишғоли мансабҳои холӣ озмун эълон менамояд
Намояндаи Тоҷикистон бо котиби иҷроияи Созмони паймони манъи ҳамагонии озмоиши силоҳи ҳаставӣ мулоқот намуд
