Афзалиятҳои рушди иқтисоди «сабз» дар Тоҷикистон дар ҳамоиши Бонки исломии рушд муаррифӣ шуданд

ДУШАНБЕ, 23.05.2025. /АМИТ «Ховар»/. 22 май дар доираи ҷаласаҳои солонаи Гурӯҳи Бонки исломии рушд Вазири рушди иқтисод ва савдо, мудири кишварии Бонки исломии рушд аз Ҷумҳурии Тоҷикистон Завқӣ Завқизода дар ҳамоиши мудирони кишварии ин бонк иштирок ва суханронӣ намуд. Дар ин хусус АМИТ «Ховар» бо истинод ба Вазорати рушди иқтисод ва савдо хабар медиҳад.

Завқӣ Завқизода ба роҳбарияти Бонки исломии рушд барои маблағгузории лоиҳаҳои афзалиятноки соҳаҳои иқтисоди миллӣ минатдорӣ намуда, иброз дошт, ки тибқи сиёсати хирадмандонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон диверсификатсияи иқтисодӣ бо роҳи рушди «сабз», инноватсия ва рақамикунонӣ ва неруи инсонӣ яке аз афзалияти асосӣ муайян гардидааст.

Татбиқи «Стратегияи нави Бонки исломии рушд дар бораи устуворӣ ва муқовимат ба тағйирёбии иқлим барои солҳои 2026–2035» ва маблағҳои он ба ҳадафу афзалияти рушди кишварҳои аъзо, аз ҷумла иқтисоди «сабз», таъмини амнияти озуқаворӣ, инфрасохтори ирригатсионӣ ва пешгирии пайомадҳои тағйирёбии иқлим мусоидат менамояд.

АКС: Вазорати рушди иқтисод ва савдои Ҷумҳурии Тоҷикистон