Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
ДУШАНБЕ, 31.05.2025 /АМИТ «Ховар»/. 30 май дар ҳошияи Конфронси сатҳи баланд оид ба ҳифзи пиряхҳо президенти Академияи миллии илмҳои Тоҷикистон Қобилҷон Хушвахтзода бо ҷонишини Мудири иҷроияи Маркази пажӯҳишӣ ва машваратии TRENDS-и Амороти Муттаҳидаи Араб Абдулазиз Аҳмад Ашеҳӣ мулоқот намуд.
Тавре АМИТ «Ховар» бо истинод ба Академияи миллии илмҳо хабар медиҳад, дар мулоқот ҷонибҳо барои дар оянда ба роҳ мондани ҳамкории бисёрҷониба ва ба имзо расонидани Ёддошти тафоҳум ба мувофиқа омаданд.
Таъкид гардид, ки баъди ба имзо расидани Ёддошти тафоҳум байни Академияи миллии илмҳои Тоҷикистон ва Маркази пажӯҳишӣ ва машваратии TRENDS ҳамкорӣ дар самти илмҳои гуманитарӣ, иқтисодӣ ва инноватсия тақвият дода мешавад. Дар доираи ин санад омода намудани мутахассисони баландсоҳа аз ҳисоби муҳаққиқони ҷавон, магистрантону докторантон ва ҷалби онҳо ба муассисаҳои тарафайн афзалият дода мешавад.
Инчунин иброз гардид, ки дар доираи ҳамкорӣ дар оянда мо метавонем олимони соҳаи тарафайнро барои чопи китобҳо, мақолаҳои илмӣ, монографияҳо ва пеш бурдани пажӯҳишҳои илмӣ ҷалб намоем.
АКС: Академияи миллии илмҳои Тоҷикистон
Дар Бишкек Бозиҳои Делфии ҷавонони давлатҳои аъзои СҲШ доир мегардад
Дар Хонаи китоби Тоҷикистон кафедраи китобхонашиносӣ ва библиографишиносӣ ифтитоҳ гардид
«АЗ НАВРӮЗ ТО НАВРӮЗ». Дар Осорхонаи миллии Тоҷикистон намоиши анъанавӣ ифтитоҳ ёфт
Дар ноҳияи Данғара «Шаҳраки наврӯзӣ» ташкил карда шуд
Дар замони соҳибистиқлолии Тоҷикистон майдони фаъолияти матбуоти шаҳри Турсунзода фарох гардид
Дар Хатлон Рӯзи матбуоти тоҷик бо қадрдонии рӯзноманигорон ва адибон таҷлил гардид
Дар Душанбе ба муносибати Рӯзи матбуоти тоҷик ҳамоиши тантанавӣ доир шуд
ВОСИТАҲОИ АХБОРИ ОММА ВА МАСЪАЛАҲОИ ХУДШИНОСИИ МИЛЛӢ. Бахшида ба Рӯзи матбуоти тоҷик ҳамоиш доир шуд
НАВРӮЗ — ҶАШНИ ҶАҲОНӢ. Ҳеҷ монеа ва қуввае онро натавонист аз байн барад
«МАТБУОТ — СИПАРИ ДАВЛАТ ВА ОИНАИ ҶОМЕА». Имрӯз ба нашри аввалин рӯзномаи тоҷикӣ 114 сол пур гардид
Пагоҳ Рӯзи матбуоти тоҷик таҷлил мегардад
Моҳи октябр Фестивали байналмилалии театрҳои лӯхтак «Чодари хаёл» баргузор мешавад
