Дар Донишкадаи саноат ва хизматрасонӣ оид ба рушди иқтисоди рақамӣ ва инноватсия ҳамоиш доир шуд
ДУШАНБЕ, 30.05.2025. /АМИТ «Ховар»/. Дар доираи Солҳои рушди иқтисоди рақамӣ ва инноватсия (2025-2030) дар Донишкадаи саноат ва хизматрасонӣ дар шаҳри Хуҷанд таҳти унвони «Технология ва инноватсия дар амалигардонии стратегияи рушди илм ва техника» ҳамоиши илмӣ баргузор гардид.
Тавре ба АМИТ «Ховар» аз ин донишкада иттилоъ доданд, ҳадафи ҳамоиш аз таҳкими робитаи илм бо истеҳсолот, тақвияти ҳамкорӣ байни муҳаққиқон ва муаррифии дастовардҳои илмӣ дар самти рушди технологияи муосир ва иқтисоди рақамӣ иборат буд.
Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2024 барои вусъат бахшидан ба равандҳои инноватсионӣ ва истифодаи ҳамаҷонибаи имконияти технологияҳои рақамӣ дар иқтисодиёт солҳои 2025-2030 дар Тоҷикистонро Солҳои рушди иқтисоди рақамӣ ва инноватсия эълон намуданд.
Имрӯз Тоҷикистон дар ҷодаи гузариш ба рақамикунонии соҳаҳои иқтисоди миллӣ барои таъмин намудани шаффофияти муносибатҳои иқтисодию молиявӣ қадамҳои устувор мегузорад. Татбиқи саривақтии ин ташаббус имкон медиҳад, ки дар панҷсолаи минбаъда ба ин раванд вусъат бахшида шуда, заминаҳои ҳуқуқӣ такмил ёбанд ва санадҳои дахлдор дар самти гузариш ба иқтисоди рақамӣ қабулу амалӣ карда шаванд.
Эълони Солҳои рушди иқтисоди рақамӣ ва инноватсия бозгӯи саъю кӯшиши давлату ҳукумат дар роҳи мутобиқсозии инфрасохтори мамлакат ба талаботи ҷаҳони рақамӣ мебошад. Зеро имрӯз рушду пешрафти ҳар давлат аз сатҳи илму техника ва захираи зеҳнии он вобаста аст.
Дар шароити гузариш ба иқтисоди рақамӣ на танҳо сармоягузорӣ, балки омодасозии кадрҳои баландихтисос ва баланд бардоштани саводи рақамии омӯзгорону донишҷӯён низ аҳамияти хосса дорад.
АКС: Донишкадаи саноат ва хизматрасонӣ
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
