Дар Душанбе маросими ҷоизасупорӣ ба кормандони телевизион, радио ва соҳаи алоқа баргузор гардид
ДУШАНБЕ, 08.05.2025. /АМИТ «Ховар»/. 7 май дар Театри давлатии академии опера ва балети ба номи С. Айнӣ бахшида ба Рӯзи телевизион, радио ва кормандони соҳаи алоқа бо ибтикори Кумитаи телевизион ва радиои назди Ҳукумати Ҷумҳурии Тоҷикистон ҳамоиши тантанавӣ ва маросими ҷоизасупорӣ баргузор гардид.
Тавре мухбири АМИТ «Ховар» хабар медиҳад, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдулло Раҳмонзода иброз дошт, бори нахуст таҷлил гардидани ин санаи муҳим, шаҳодати эҳтироми баланд ба нақши созандаи кормандони соҳаҳои телевизион, радио ва алоқа дар мамлакат мебошад.
Таҳти роҳбарии хирадмандонаи Президенти Ҷумҳурии Тоҷикистон муҳтарам Эмомалӣ Раҳмон ва таваҷҷуҳи доимии Ҳукумати Ҷумҳурии Тоҷикистон ин соҳаҳо дар солҳои соҳибистиқлолӣ рушд карда, ба дастовардҳои назаррас ноил гардиданд.
Сиёсати Президенти Ҷумҳурии Тоҷикистон муҳтарам Эмомалӣ Раҳмон дар соҳаи воситаҳои ахбори омма, хусусан телевизион дурбинона ва созанда мебошад. Он сиёсате аст, ки барои мукаммалсозии фазои расонаӣ, ҳифзи он аз зуҳуроти бегона, таҳкими сулҳу ваҳдат, ободонии мамлакат, тарғиби дастовардҳои Истиқлоли давлатӣ, эҳёи суннатҳои фаромӯшшуда ва дар зеҳни ҷаҳониён ба вуҷуд овардани имиҷи нави Тоҷикистони соҳибистиқлол амалӣ мегардад.
Қабули «Барномаи давлатии рушди телевизион ва радио дар Ҷумҳурии Тоҷикистон барои солҳои 2021–2025» ва «Барномаи давлатии рушди пахши телевизони рақамӣ дар Ҷумҳурии Тоҷикистон барои солҳои 2020-2024» шароити мусоид фароҳам овард, ки дар он татбиқи таҷҳизоти муосири рақамӣ, навсозии студияҳо, марказҳои пахши барномаҳо ва афзоиши шабакаҳои пахши рақамӣ дар саросари мамлакат ба назар гирифта шавад.
Зимни ҳамоиши тантанавӣ ба фаъолони ин соҳаҳо Сипоснома ва ҷоизаҳо супорида шуданд.
Ёдовар мешавем, ки дар айни замон дар Тоҷикистон беш аз 100 шабакаи телевизионӣ ва радиои давлатию хусусӣ фаъолият менамоянд. Аз ҷумла, 15 телевизиони давлатӣ, 10 радиои давлатӣ, 39 телевизиони хусусӣ, 24 радиои хусусӣ ва 16 студияи истеҳсоли маҳсулоти аудиовизуалӣ дар ғанӣ гардонидани фазои иттилоотии миллӣ саҳм мегузоранд.
АКС: АМИТ «Ховар»
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
Нашриёти «Орван» китоби «Ҳазор марворид»-ро ба нашр расонид
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон маротибаи аввал озмуни ҷумҳуриявӣ баргузор мегардад
«ТОҶИКИСТОН-ВАТАНИ АЗИЗИ МАН». Барои баргузории озмуни ҷумҳуриявӣ беш аз ҳашт миллион сомонӣ ҷудо мегардад
