КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Он самтҳои калидии ҳамкории байналмилалӣ, таҳқиқоти илмӣ ва қарорҳои сиёсиро фаро мегирад
ДУШАНБЕ, 31.05.2025. /АМИТ «Ховар»/. Конфронси байналмилалии сатҳи баланд оид ба ҳифзи пиряхҳо дар «Кохи Сомон»-и шаҳри Душанбе имрӯз, 31 май самтҳои калидии ҳамкории байналмилалӣ, таҳқиқоти илмӣ ва қарорҳои сиёсиро фаро мегирад, хабар медиҳад мухбири АМИТ «Ховар».
Барномаи рӯзи дуюми конфронс мавзуъҳои пурмуҳтаворо дар бар мегирад. Ҷаласаи дуюми пленарӣ аз шаш бахши мавзуӣ, ҳамзамон ҷаласаи ҷамъбастӣ иборат мебошад.
Бахшҳои мавзуии рӯзи дуюм самтҳои калидии ҳамкории байналмилалӣ, таҳқиқоти илмӣ ва қарорҳои сиёсиро фаро мегиранд. Инҳо, аз ҷумла мавзуъҳои зарурати мониторинги пиряхҳо дар саросари ҷаҳон, пешгӯиҳо вобаста ба пиряхҳо ва имкони ҳифзи онҳо, маълумоти охирини илмӣ оид ба пиряхҳо ва криосфера, Паймон ба хотири оянда-нақши он дар раванди ҳифзи пиряхҳо, инчунин маблағгузории иқлимӣ ва сармоягузорӣ барои ҳифзи пиряхҳо мебошанд.
Дар ҷаласаи дуюми пленарӣ муовини Сарвазири Ҷумҳурии Тоҷикистон Сулаймон Зиёзода, инчунин роҳбарони ҳайатҳои кишварҳои иштироккунанда иштирок доранд. Онҳо дар идомаи рӯз изҳорот ва равишҳои авлавиятноки худро нисбат ба масъалаҳои ҳифзи пиряхҳо ва криосфера пешниҳод менамоянд.
Ҷаласаи ниҳоии конфронс, ки дар охири рӯз баргузор мегардад, натиҷаҳои муҳокимаҳои серӯзаи конфронси байналмилалиро ҷамъбаст менамояд. Дар ҷараёни конфронс ташаббусҳои муҳиме таҳия шудаанд, ки ҳадафашон ҳифзи экосистемаҳои пиряхӣ ва таъмини ояндаи наслҳо дар шароити тағйирёбии глобалии иқлим мебошад.
Ёдовар мешавем, ки 30 май дар шаҳри Душанбе маросими ифтитоҳи нахустин Конфронси байналмилалии сатҳи баланд оид ба ҳифзи пиряхҳо баргузор гардид.
Конфронси байналмилалии сатҳи баланд оид ба ҳифзи пиряхҳо дар доираи эълон гардидани соли 2025- Соли байналмилалии ҳифзи пиряхҳо бо ташаббуси Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки дар иҷлосияи 77-уми Маҷмаи Умумии Созмони Милали Муттаҳид дастгирӣ ёфт, гузаронида мешавад.
Шаҳлои САДРИДДИН,
АМИТ «Ховар»
АКС: АМИТ «Ховар»
Ҳайати Тоҷикистон дар Конфронси дуюми ҷаҳонӣ оид ба истифодаи маълумот барои таҳкими чораҳои зиддикоррупсионӣ иштирок намуд
Дар Вазорати молияи Тоҷикистон бахшида ба Рӯзи кормандони мақомоти молия ҳамоиши идона доир шуд
Ташаббуси Тоҷикистон оид ба ҳифзи кафтори рахдор дар COP-20 дастгирӣ ёфт
Барои татбиқи лоиҳаи «Кам намудани талафоти неру» созишномаҳои қарзӣ ва грантӣ ба имзо расиданд
Доир ба Форуми дуюми байналмилалии соҳаи саноати маъданҳои кӯҳӣ-металлургии Тоҷикистон брифинг баргузор шуд
Дар Бонки миллии Тоҷикистон масъалаи бартарафсозии омилҳои коррупсионӣ баррасӣ гардид
Дар ноҳияи Ёвон кишти картошкаи барвақтӣ оғоз гардид
100-сомонии ҷашнии Тоҷикистон беҳтарин банкнотаи ҷашнии соли 2025 дониста шуд
Ҳамкории Тоҷикистон ва Эрон дар самтҳои афзалиятнок рушд меёбад
Дар Душанбе Форуми дуюми байналмилалии соҳаи саноати маъданҳои кӯҳӣ-металлургии Тоҷикистон баргузор мешавад
Оид ба омодагӣ ба Форуми байналмилалии соҳаи саноати маъданҳои кӯҳӣ-металлургии Тоҷикистон брифинг доир мешавад
Кумитаи давлатии идораи замин ва геодезии Тоҷикистон ва Созмони нақшабардории Эрон ҳамкориро дар соҳаҳои заминсозӣ тақвият медиҳанд
