Масъалаи ҳамкории илмӣ байни Тоҷикистон ва Шоҳигарии Нидерланд баррасӣ гардид
ДУШАНБЕ, 29.05.2025 /АМИТ «Ховар»/. 28 май мулоқоти директори Маркази тадқиқоти стратегии назди Президенти Ҷумҳурии Тоҷикистон Хайридин Усмонзода бо Сафири Фавқулода ва Мухтори Шоҳигарии Нидерланд дар Ҷумҳурии Тоҷикистон Нико Шермерс баргузор гардид, ки зимни он ҷонибҳо масъалаи ҳамкорӣ дар соҳаи илмӣ — таҳқиқотиро баррасӣ намуданд. Дар ин хусус АМИТ «Ховар» бо истинод ба хадамоти матбуоти ин марказ хабар медиҳад.
Дар ҷараёни мулоқот ҷонибҳо масъалаҳои мубрами ҳамкории дуҷониба, аз ҷумла густариши табодули фарҳангӣ ва таълимӣ, инчунин дурнамои баргузории чорабиниҳои муштараки таҳлилиро баррасӣ намуданд.
Зимни вохӯрӣ ба имконоти ҳамкорӣ дар доираи ташаббусҳои байналмилалӣ дар соҳаи захираҳои об бо иштироки муассисаҳои таҳқиқотии ду давлат дар лоиҳаҳое, ки ба рушди устувор нигаронида шудаанд, диққати махсус дода шуд. Дар ин замина аҳамияти ташаббусҳои Тоҷикистон оид ба идоракунии устувори захираҳои об, ки дар доираи ҳамкории бисёрҷониба, бахусус дар доираи Созмони Милали Муттаҳид аз ҷониби Шоҳигарии Нидерланд пайваста дастгирӣ меёбад, таъкид гардид.
Бо назардошти таваҷҷуҳи Маркази тадқиқоти стратегии назди Президенти Ҷумҳурии Тоҷикистон барои густариши ҳамкории илмӣ-таҳлилӣ бо марказҳои таҳқиқоти стратегии Нидерланд имконияти барқарор намудани ҳамкорӣ бо ниҳодҳои таҳлилии кишвар мавриди баррасӣ қарор гирифт.
Ҳарду ҷониб барои амиқтар намудани муколама оид ба масъалаҳои амнияти минтақавӣ, хатарҳои иқлимӣ ва тағйирёбии геосиёсӣ изҳори омодагӣ намуданд.
АКС: Маркази тадқиқоти стратегии назди Президенти Ҷумҳурии Тоҷикистон
Бахшида ба Рӯзи кормандони тандурустии Тоҷикистон ҷаласаи тантанавӣ баргузор гардид
ИМРӮЗ — РӮЗИ КОРМАНДОНИ СОҲАИ ТИБ. Дар Тоҷикистон 5254 муассисаи тиббӣ фаъолият менамояд
Дар ноҳияи Кӯшониён Маркази саломатӣ ифтитоҳ гардид
Дар Душанбе Форуми дуюми байналмилалӣ оид ба масъалаҳои маъюбӣ доир гардид
Дар ноҳияи Айнӣ оид ба пешгирии истифодаи ғайриқонунии неруи барқ вохӯрӣ баргузор шуд
Дар ноҳияи Ҷаббор Расулов оид ба истифодаи сарфакоронаи неруи барқ вохӯрӣ доир гардид
Дар Душанбе фаъолияти лоиҳаи «Миллати солими Тоҷикистон» натиҷагирӣ карда шуд
Дар Намоиш-озмуни ҷумҳуриявии «Беҳтарин лоиҳаи меъморӣ ва шаҳрсозӣ» ғолибон муайян гардиданд
Дар Беморхонаи клиникавии шаҳрии №1-шаҳри Хуҷанд бинои инноватсионӣ бунёд карда мешавад
Низоми ҷамъоварӣ ва истифодаи маълумоти омории соҳаи тандурустии Тоҷикистон баррасӣ гардид
Намояндагони Тоҷикистон дар машварати минтақавӣ дар Қирғизистон иштирок намуданд
Дар Файзобод бо иштироки муовини Сарвазири Тоҷикистон ҷаласаи Шурои миллӣ барои инкишофи барвақтии кӯдакон доир шуд
