Сардори Хадамоти алоқаи Тоҷикистон дар ҷаласаи Шурои Иттиҳоди минтақавӣ дар соҳаи алоқа иштирок намуд
ДУШАНБЕ, 23.05.2025. /АМИТ «Ховар»/. Дар шаҳри Тошканди Ҷумҳурии Узбекистон ҷаласаи Шурои сарони маъмурияти алоқаи Иттиҳоди минтақавӣ дар соҳаи алоқа ва Шурои ҳамоҳангсози кишварҳои аъзои Иттиҳоди Давлатҳои Мустақил доир ба иттилоотонӣ дар назди Иттиҳоди минтақавӣ дар соҳаи алоқа доир гардид, ки дар кори он Сардори Хадамоти алоқаи назди Ҳукумати Ҷумҳурии Тоҷикистон Исфандиёри Саъдулло иштирок намуд. Дар ин хусус ба АМИТ «Ховар» аз ин хадамот хабар доданд.
Сардори Хадамоти алоқа Исфандиёри Саъдулло иброз дошт, ки барои рушди соҳаи алоқа дар Тоҷикистон стратегия ва санадҳои асосии консептуалӣ, ки ба табдили тадриҷии рақамӣ равона шудаанд, қабул гардида, фаъолона амалӣ карда мешаванд.
«Аз ҷониби Президенти Ҷумҳурии Тоҷикистон муҳтарам Эмомалӣ Раҳмон дар Тоҷикистон солҳои 2025-2030 Солҳои рушди иқтисоди рақамӣ ва инноватсия эълон гардиданд. Дар ин замина технологияҳои муосири рақамӣ ба тамоми соҳаҳои фаъолияти ҳукумат муваффақона ворид гардида, тадбирҳои инноватсионӣ дар соҳаҳои гуногун татбиқ мегарданд»,-гуфт Сардори Хадамоти алоқаи Тоҷикистон.
Дар доираи ҷаласа масъалаҳои муҳими тараққиёти саноати алоқа ва технологияҳои иттилоотӣ муҳокима шуданд. Рушди IT-паркҳо, паркҳои технологӣ ва минтақаҳои махсуси иқтисодӣ дар бахши Технологияҳои иттилоотӣ-коммуникатсионӣ, татбиқи лоиҳаҳои муштараки Технологияҳои иттилоотӣ-коммуникатсионӣ, дастрасӣ ва рушди системаҳои моҳвораҳои пасторбиталӣ (NGSO) дар минтақа низ баррасӣ гардиданд.
Дар ҷаласа ҷонибҳо доир ба таҳияи равишҳои минтақавии умумӣ дар масъалаҳои дастрасии низомҳои алоқаи кайҳонии орбиталии паст дар кишварҳои аъзои Иттиҳоди Давлатҳои Мустақил, ташаккули нархҳои одилонаи хизматрасониҳои алоқа дар роуминг ва муқовимат бо қаллобӣ (фрод) дар шабакаи алоқа қарорҳои дахлдор қабул намуданд.
АКС: Хадамоти алоқаи назди Ҳукумати Ҷумҳурии Тоҷикистон
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
