Вобаста ба устувории молиявӣ барои ҳифзи пиряхҳо ва устувории иқтисодӣ дар Тоҷикистон ҳамоиш доир шуд
ДУШАНБЕ, 31.05.2025. /АМИТ «Ховар»/. Ҷалби маблағҳои устувор барои амалисозии лоиҳаҳо дар соҳаи ҳифзи пиряхҳо на танҳо ба муҳофизати ин манбаи муҳими об мусоидат мекунад, балки он воситаи муассири баланд бардоштани устувории иқтисодиёт тавассути идоракунии пайомадҳои тағйирёбии иқлим низ мебошад. Ин матлабро муовини якуми Вазири молияи Ҷумҳурии Тоҷикистон Юсуф Маҷидӣ 29 май зимни баргузории ҳамоиш таҳти унвони «Кушодани ҷараёнҳои устувори молиявӣ барои ҳифзи пиряхҳо ва устувории иқтисодӣ дар Тоҷикистон» баён намуд.
Ҳамоиш дар ҳошияи Конфронси байналмилалии сатҳи баланд оид ба ҳифзи пиряхҳо бо ташаббуси Вазорати молияи Ҷумҳурии Тоҷикистон ва дастгирии Гурӯҳи Бонки ҷаҳонӣ баргузор гардид. Дар он намояндагони созмонҳои байналмилалии молиявӣ, бахши хусусӣ ва коршиносони соҳа доир ба устувории молиявӣ дар ҳифзи пиряхҳо мубодилаи афкор намуданд.
Ҳадафи ҳамоиш ҷалби таваҷҷуҳи ҷомеаи байналмилалӣ ба нақши ҳаётии пиряхҳо ҳамчун манбаи муҳими об, таҳлили хатари обшавии босуръати онҳо дар шароити тағйирёбии иқлим, инчунин фароҳам овардани шароити мусоид барои густариши ҳамкории минтақавӣ ва байналмилалӣ дар самти ҳифзи муҳити зист ва рушди устувори иқтисодӣ буд.
Дар ҷараёни ҳамоиш харитаи роҳ оид ба ҷалби сармояи хусусӣ тавассути барориши вомбаргҳои сабзи давлатӣ муаррифӣ гардид. Ҳамзамон муҳокимаҳои панелӣ оид ба нақши ҳукумат, ниҳодҳои танзимкунанда ва бахши хусусӣ дар таҳкими устувории иқтисодӣ тавассути ҷалби маблағгузорӣ барои тадбирҳои пешгирӣ, мутобиқшавӣ ва коҳиши таъсири тағйирёбии иқлим ба пиряхҳо доир шуданд.
АКС: Вазорати молияи Ҷумҳурии Тоҷикистон
Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
Соҳибкорзан Зарринаи Сафаралӣ: «Дастрасӣ ба гранти президентӣ омили пешрафти соҳибкории занон аст»
Эла Ионеску, намоянда аз Руминия: «Шумо, одамони хушбахтед, ки чунин Ватани зебо доред»
Дар Маҷмааи лижаронии «Сафеддара» «Эко-пойга барои пиряхҳо» баргузор шуд
СИЁМА. Оби ин дарё ба даҳгонаи обҳои беҳтарини ҷаҳон дохил гардидааст
Дар Душанбе роҳҳои нави ҳамкории иқтисодӣ байни Тоҷикистон ва Вилояти Мухтори Синзян-Уйғури Чин баррасӣ гардиданд
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Имрӯз дар Сафеддара «Eco-Run For Glacier» доир мешавад
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Дар Душанбе тавсеаи ҳамкории Тоҷикистон бо Иттиҳоди Аврупо дар соҳаи энергетика баррасӣ шуд
