Ҳайати Тоҷикистон дар Конфронси 4-уми сатҳи баланд оид ба маблағгузории рушди устувор дар Испания иштирок намуд
ДУШАНБЕ, 30.06.2025 /АМИТ «Ховар»/. Имрӯз Вазири молияи Ҷумҳурии Тоҷикистон Файзиддин Қаҳҳорзода дар маросими ифтитоҳи Конфронси 4-уми сатҳи баланд оид ба маблағгузории рушди устувор (FFD4), ки дар шаҳри Севилияи Испания таҳти сарпарастии Созмони Милали Муттаҳид баргузор гардид, иштирок намуд. Дар ин хусус ба АМИТ «Ховар» аз Вазорати молияи Ҷумҳурии Тоҷикистон хабар доданд.
Чорабиниро бо сухани муқаддимавӣ Подшоҳи Испания Филиппи VI ифтитоҳ намуда, аҳамияти ҳамкории байналмилалиро ҷиҳати таъмини рушди фарогир ва устувор таъкид кард.
Дар идома Дабири кулли Созмони Милали Муттаҳид Антониу Гутерриш масъалаҳои маблағгузорӣ барои рушд, инчунин таъсиси ҷойҳои нави кориро таъкид намуда, Сарвазири Испания Педро Санчесро ҳамчун Президенти Конфронси 4-уми сатҳи баланд оид ба маблағгузории рушди устувор эълон кард.
Дар чорабинии мазкур ҳамчунин Президенти Бонки ҷаҳонӣ, Раиси Маҷмаи Умумии Созмони Милали Муттаҳид, роҳбарияти Хазинаи байналмилалии асъор ва роҳбарони як қатор ташкилотҳои бонуфузи байналмилалии молиявӣ иштирок ва суханронӣ намуданд.
Дар ин рӯз дар доираи баргузории конфронс чорабинии молиявӣ таҳти унвони «Ҷалби сармоягузорӣ барои рушди устувор: мусоидат ба маблағгузории сабз ва инноватсионӣ» доир гардид, ки дар он низ Вазири молияи Ҷумҳурии Тоҷикистон иштирок намуд.
Файзиддин Қаҳҳорзода зимни суханронӣ таъкид намуд, ки Ҷумҳурии Тоҷикистон дар самти рушди иқтисоди «сабз» корҳои назаррасро анҷом додааст. Аз ташкилотҳои байналмилалӣ даъват ба амал оварда шуд, ки дар ин самт маблағгузории худро афзоиш диҳанд.
Бояд гуфт, ки чорабинии мазкур бо ташаббуси Комиссияҳои минтақавии СММ баргузор гардида, ҳадафи он таҳкими ҳамкории байналмилалӣ ҷиҳати мусоидат ба маблағгузории инноватсионӣ, ҷалби сармоя барои рушди сабз ва таҳкими ҳамгироӣ байни давлатҳо ва бахши хусусӣ дар татбиқи Ҳадафҳои Рушди Устувор мебошад.
Маврид ба тазаккур аст, ки иштироки Ҷумҳурии Тоҷикистон дар чунин чорабиниҳо ба рушди ҳамкории байналмилалӣ, ҷалби маблағгузории устувор ва татбиқи ҳадафҳои миллии рушди устувор мусоидат менамояд.
АКС: Вазорати молияи Ҷумҳурии Тоҷикистон
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
